u/13579112m

دلوقتي انا طلعت من مصر وانا عندي 17 سنة وبعد عشرين سنة خدت قرار انزل مصر ،حجزت وعامل حسابي اقعد فترة طويلة كتجربة ،سالت قبل كدة عن اراء الناس بس التوبك قلب خناقه ،فمعلش في كام نقطة محتاج اتاكد منهم

اولا : هل فعلا هيتنصب عليا لو حد عرف اني مش مقيم في مصر

ثانيا : هل فعلا مصاريفي في اليوم ممكن توصل 5000 زي ما اتقال لاني كنت عامل حسابي ان المبلغ ميعديش 2000 في اليوم

ثالثا : في ناس دخلوا انبوكس عرضوا عليا رحلات وجروب اصحاب وانهم يقدروا يستضفوني ويخلوني محسش اني لوحدي ،وانا حقيقي قلقت .

رابعا : ما امن منطقة ممكن اسكن فيها وخصوصا اني بحب اخرج باليل واتمشي او اجري .

انا عارف الظروف بتاعت مصر ،بس هو سوال ومحتاج اجابه معلش ،لو هصرف 2000 في يوم ،اتبسط ازاي لاقصي درجة

راجع مصر اجازة طويلة بعد 20 سنة ،لا اعرف حد ولا ليا اصدقاء ولا عارف هاعمل اي ،عندي حنين فظيع لناس واماكن عارف اني اكيد مش هلاقيهم زي ما هما ،السوال هنا ،انا ابتديت اراجع الفكرة ،هل انزل مصر ،ولا هيجيلي اكتئاب ،هل هلاقي حاجه اعملها ،هل هاعرف اتبسط ،ولو علي المصاريف لان كل الي بقراه ان كل حاجه بقت غاليه ،تقريبا محتاج اعمل ميزانيه كام في اليوم من غير الفندق طبعا ،اي نصيحة او معلومة هكون سعيد لو شاركتوها معايا .