برأيكم وش افضل جهة او جهات العمل بالسعوديه؟
مع ذكر الاسامي الدقيقه والاسباب
ادري يعتمد على اشياء كثيره بس احس لا يزال اكيد في جهات نقدر نقول انها الافضل للموظف من ناحية امتيازات وجودة وتوزان عمل وحياة، ولا؟
اعادة صياغة للسوال ممكن تسهل عليكم انكم تجاوبون: وش الشركات اللي اغلب اللي تعرفون/سمعتوا يشتغلون فيها مبسوطين بوضعهم وما يشكون؟
السؤال: هل المشكله فيني ولا فيهم ولا كلنا؟ + كيف احسّن من الوضع للمرات الجايه؟ + ابي نصايح +مواساة
انا متدربه تدريب تعاوني
دخلوني اجتماع واقعي فجأه، وقالوا اكتب ملاحظات، ماقدرت اكتب ملاحظات….لاني ما فهمت شي…طبيعي؟
يخي كنت اقول رح اكتب حتى لو مافهمت، بس ماقدرت!!!!ما قدرت اكتب وانا مو فاهمه!! وانا مو فاهمه لان ماعندي سياق او معلومات عن اللي يتكلمون عنه، حتى اني اصلا مدري الاجتماع عن ايش للحين!!مدري وش هو وش الهدف ووش السالفه
اوكي انا سالت مشرفتي قبله عن ايش هو؟ وشرحت لي كلام غير مفهوم وغير واضح ومدري هي ماتعرف تشرح ولا انا اللي ما اعرف افهم؟ مره خايفه ان المشكله تكون فيني وما تتعدل وبرضو خايفه ان المشكله تكون فيها هي وما تتعدل.
صفحة الدفتر حقتي فيها كم جمله وكم كلمة متقطعه بس بدون منطق وجدا غير مفيده
يوم كانوا يتكلمون بالاجتماع كنت احس نفسي مو قادره استخلص اي فايده/معلومه/action مطلوب، كان مرعب ومهين ومذل ومنحرجه مره لان وضح لهم اني جايه عشان اكتب ملاحظات بس ما كتبت..
كلامهم كان كنه طلاسم ومصطلحات واختصارات صعبه وقاعدين يبنون على محادثات واحداث قديمه انا لا علم لي بها، كنت زي الاطرش بالزفه💔
حتى لدرجة في شي كانوا يقولونه قالت لي مديرتي وهي تضحك "صكي اذانك" (اتوقع انه اسرار الشركه او شي؟) وانا حرفيا مافهمت ولا شي قالوه حتى مقدر اعطيكم كلمة وحده قالوها.
ومره خايفه الموقف هذا ينعاد، ودي اصارح مشرفتي ومديرتي ان تراني ما فهمت شي ومنب فاهمه الا لو شرحتوا لي زي ما تشرح الاستاذه، بس مشكلتهم دايم في عجلة من امرهم ومشغولين وكل محادثه معهم لازم اختصرها عشان ماعندهم وقت…واخاف لو شرحوا لي ما افهم لان احس قد صارت
وكنت بقول اللي صار لي طبيعي بس ان مشرفتي اللي هي كانت بمكاني متدربه بهالشركه قبل كم سنه قالت لي ان "لا تتوترين وبس اكتبي الملاحظات اللي تقدرين عليها ومو لازم تكتبين كل شي عادي لو ماقدرتي" وقلت لها اوكي علساس بقدر اكتب لو رؤوس اقلام، بس ما قدرت!!!😭😭😭😭😭😭😭احس ماقدرت اسوي الحد الادنى اللي انا جايه عشانه😭😭😭😭😭واخاف يضل الوضع كذا او ما اعرف كيف اغير الوضع واخليه افضل وهم مب فاضين لي واسالتي واذا سالت ما افهم اجوبتهم لانهم ما يشرحون لي زي ما تشرح الاستاذهههههههههههههههههههه
سياق: انا بشركة استشاريه كبيره والناس اللي بالاجتماع كلهم خبرتهم فوق ٢٠ سنه واجانب، لي شهرين متدربه حتى الان.