كانت ايامنا جميله دلوقتي كل واحد ماسك الفون وقافل علي نفسو بالب الموضوع بقي يحزن جدا

بِسْمِ اللَّهِ الرَّحْمَنِ الرَّحِيمِ

حجات كتير ف حياتنا ليها ناحيتين علي حسب انت هتستعملها ازاي مثلا ياعم الاستغلال طب انا قصدي اي بالاستغلال استغلال صاحبك او زميلك ف المدرسه ف حاجه انت مش عارفها يشرحهالك او استغلال اداه عندك عشان تعمل بيها حاجه او استغلال وقت عشان تعمل فيه حاجه مفيده ( استغلال ايجابي )

.....

بص بقي ياسيدي

دلوقتي انت كحد محترم بتمسك الموبايل مش اقل من 4 ساعات ( مثلا يعني ) بتضيع من حياتك كل يوم 4 ساعات يعني ب 2 جنيه رياضه يعني افتراضا انك بتعمل كدا كل يوم ف انت بتضيع من حياتك حوالي 3500 يوم ( مش ساعه ) يعني تقريبا 9 سنين ونص دا ف التيك توك بس انت متخيل انت كدا الي بيتم استغلالك يحب احنا عاوزين نعكس طيب يعم انت مع احترامي ليك ولمواخذه يعني راجل تافه وبتحب تسلي (تضيع) وقتك

.

امسك الحديث دا لعل وعسي يطمر فيك:

.

لا تَزولُ قَدَمَا عَبْدٍ يومَ القيامةِ، حتَّى يُسأَلَ عن عُمُرِه؛ فيمَ أفناه؟ وعن عِلْمِه؛ فيم فعَلَ فيه؟ وعن مالِه؛ من أين اكتسَبَه؟ وفيم أنفَقَه؟ وعن جِسمِه؛ فيمَ أبلاه؟

.

تمام هنيجي بقي لنقطه تانيه بص ياسيدي انت اكيد مسمحولك ترفه عن نفسك بس الفكره انك ف ال 9 سنين ونص من عمرك دول تقدر تغير العالم تقريبا ف انت بتضيعهم كونك سلعه ( انت حرفيا سلعه انت رقم بالنسبه لهم ) طيب والحل يا طيقوووو انا جبتلك الحل ياقلبي

...

فاكر احلام الماضي و تطلعات المستقبل و الرغبه في تحقيق المثاليه ؟ شطوررر هي الحجات الحلوه الجميله دي .... هنعمل فيها اي ؟ هنستغلها هتقوم مقلل ساعه بس من متوسط استخدامك ساعه 1 بس متزودش عن كدا وهتبدا تحدد الساعه دي مثلا انا بمسك الموبايل في الفترات دي لا انا في الفتره دي بالذات فاضي ف اقدر استخدم الموبايل ف حاجه عمليه شويه وتقوم بقي واخد كورس الانجليزي الي انت بتقول هتاخده من 2 ثانوي او الالماني ايا كان تنزل الجيم ف الساعه دي وتيجي وكل اسبوع تبدا تزود ساعه ( طبعا لازم تسيب مجال للترفيه بس دا يبقي بمزاجك انت و انت الي تحدده )

.....

برضو مع الحته دي لازم تراعي الكونتنت الي انت بتشوفه حتي بعد ما ظبطت يومك وكدا لازم برضو الترفيه ميبقاش سلبي حاول تشوف ناس انت تقتدي ( تاخدهم قدوه ) تبقي زيهم وتبعد عن الذنوب قد ماتقدر خليك شطور وقمور وربنا يوفقكو 🤔 💕😘

حتى الخيلُ التي لم يخلقها فارسُها ولم يرزقها ولم يُنعم عليها بنعمةٍ واحدة تقتحمُ لأجله أهوالَ الحروب وتجري إلى المعارك وتُعرِّض نفسها للطعن والقتل ثم لا تعصيه إذا أمرها ولا تتأخر إذا ساقها، كلُّ ذلك لأجل علفٍ يسيرٍ وإحسانٍ قليل. فكيف بالإنسان مع ربِّه؟ اللهُ الذي خلقه من عدم، ورزقه من فقر وألبسه الصحة وأنعم عليه بالسمع والبصر والعقل والقلب ثم أغدق عليه من النعم ما لا يُحصى ومع ذلك يجحدُ كثيرٌ من الناس نعمَه ويتثاقل عن طاعته، ويعصي أوامرَه، كأن الفضلَ ليس منه سبحانه. فيا عجبًا! بهيمةٌ تعرف حقَّ من يُطعمها وإنسانٌ ينسى حقَّ من خلقه وسوّاه ورزقه وآواه

والله المستعان

بِسْمِ اللَّهِ الرَّحْمَنِ الرَّحِيمِ

.

لو انت ضايع تايه حاسس انك متاخر جعان شبعان مش نايم كويس اي حاجه ف اقرا البتاع هينفعك فشخ ولله ومش هياخد منك 10د

.

من فتره ولحد دلوقتي برضو ساعات ف العصر الي احنا فيه لما بنتعرض لمثاليه مفرطه علي السوشيال ميديا بنحس ان احنا مش كفايه و ان لسه في احسن بنبدا دوامه جلد الذات او الخمول والغيبوبه الا نهائيه

وكتير مننا يمكن لسه تايه مش عارف هو عايز اي ولا نفسه ف اي حياته عايزها تبقي عامله ازاي كلنا عايشين الحياه عشان الفلوس ك اولويه بس مش عايشينها لذاتها احنا فاقدين المعني مش عارفين عايشين لي فعلا

......

الانسان بطبيعته شغوف وفضولي ومتطلع و بيحب يجرب كتير افكس لكل دا و امسك ف يجرب كتير دي

زي ما نزلت قبل كدا عن موضوع الساعه كل يوم ف انت تقدر تستغل وقت من يومك ف حاجه جديده مش شرط يعم تكون حاجه مفيده بس متكونش سلبيه سافر مكان جديد جرب تتعلم حاجه جديده نفسك تعملها اقرا كتاب جديد اعمل حاجه انت كنت بتقول نفسك تعملها من فتره ومع التجارب هتلاقي نفسك بتفضل حجات عن حجات وبتبدا تعرف انت بتحب اي بجد ونفسك ف اي و اسعي عشان توصل للحاجه دي

.. موضوع بسيط والحياه رغم انها مليانه مشاكل بس هي ف الاخر سيمبل

الفكره اغلبها انك لما تبقي مسحول علي السوشيال ميديا انت مش بتبقي عايش حياتك انت بتبقي عايش حياتهم هما كلهم وذاتك بتضيع مع الوقت لحد ما متلاقيهاش انت بتكتسب ولو قدر ضئيل يعم من شخصيتك من الناس الي انت بتشوفها وحياتك هي حياه الناس الي انت بتشوفها

....

هنا انت لازم تاخد ستيب لازم تقف وتعمل حدود حياتك هي بتاعتك انت الي تقرر تعمل فيها اي و اعمل الي نفسك فيه وانت الي تحدد دا انما انك تفضل مش عارف تعمل اي وتقعد زهقان مش قادر وكل يوم نفس الزهق والتاجيل لبكره طب و لحد امتي؟

.....

الشغل

بشوف الشغل من واحده من اهم الاسباب انك تحس انك بني ادم بجد

عن نفسي لما اشتغلت رجعت احس ان عندي حياه و ابويا بينصحني دايما اشتغل حتي لو من غير فلوس متقعدش كدا ( دا تعبير مجازي طبعا ) بس فعلا موضوع ماثر معايا فشخ

....

التبرع و التطوع

فكره انك تطولع وتجرب تنزل او تساعد ف حاجه بتوصل لناس غلابه دي برضو بتحسسك ان عندك حياه و بتقدر تبص للدنيا من منظور مختلف حتي لو انت فقير كلنا فقرا لله

....

هتعمل اي؟ كواحد فاضي مثلا ف انت تنزل شغل وتشوف الوقت الي فاضي فيه مثلا انا هاخد كورس كذا كذا الساعه 2 بليل وتبدا تفشخ حياتك الي هو انا مش فاضي امسك الفون اصلا انا باجي من الشغل اشوف الكورس اذاكر اصحي اشتغل عارف الموضوع يبان جلد ذات بس صدقني هتحس انك بني ادم هتحس انك منتج ساعتها

فتره و اتعلم مهاره و افري لانس مثلا يعني ف تقوم متعلم الحاجه دي وشغال بيها ( افتراضا ان دي الحاجه الي انت بتحبها )

...

اظن دا احسن بكتير من انك تقعد تتعلم بس من غير شغل

ما علينا موضوع الحياه بسيط شوف بس المجال الي انت عايز تسعي فيه و جرب كتير و اعمل الي نفسك فيه وسيبك من الناس الي علي السوشيال ميديا و اعمل انت حياتك بنفسك وخليك شطور وقمور والحجات الجميله دي

الموضوع بقي اوفر اوي و حرفيا الناس مبقاش عندها حياه

موضوع انك ماسك الموبايل 4 ساعات ف اليوم مثلا بتتفرج علي ناس تانيه بتعمل حاجه شكلك كلاون فشخ وبتضيع وقتك ومش مستفيد حاجه انت مجرد اداه ربحيه بالنسبه لهم

.

لازم تقلل وقت استخدامك للتليفون عمتا لان الموضوع دا هيعملك فجوه كبيره ف حياتك مش هتكتشفها الا متاخر .

ماشي طي ازاي نقلل ساعات استخدمنا للتليفون في كذا طريقه

1- انك تستبدل الوقت دا بعاده او انك تتعلم حاجه مفيده

زي القراءه كتابه او مهاره عمليه او عمليه

موضوع هيطور منك وهتلاقي بعد فتره كبيره انك

1 مبقتش مدمن ريلز

2 بقي عندك حصيله معلوميه ومهارات كبيره

3 مبقاش وقتك بيتحسل ف حجات ملهاش اي لازمه

( انا حرفيا خلصت كورس برمجه ف ساعتين ف متقوليش الوقت مش هيكفي )

..

..

2- انك تجبر نفسك ؟ اجبر نفسي اه تجبر نفسك عن طريق شويه ابليكاشنز ف جوجل بلاي تقدر من خلالهم تقفل الفون لفتره محدده زي

digital detox

او انك تمسح اصلا التيك توك كله و دي حاجه انا مبرجحهاش صراحه وهقولكو لي بعدين

.

الفكره بتاعت السوشيال ميديا انها تكون مكان للترفيه و مكان للفايده بس لما المكان دا يمثل عليك خطر ويبقي سجن بالنسبه لك الموضوع بيتغير ..... لما المكان دا يبقي مصدر المعلومات ومصر العادات والشخصيه ف الموضوع بيقي بختلف لانه اثره علينا كبير و احنا الجيل الي مشافش الموبايل بمالك اثره علي الي بعدنا

.

و من الحجات الي بتاثر بيها السوشيال علينا هي ضعف الانتباه والتركيز وتقليل الوقت الي نقدر نركز فيه

و بتزود من نسبه انك يجيلك اكتئاب وبتحطك ف بيءه اجتماعيه وهميه مش موجوده اساسا وبتعملك انعزال عن المكان الي انت موجود فيه فعليا

.

#هادف

بِسْمِ اللَّهِ الرَّحْمَنِ الرَّحِيمِ

..

واحد فقير زعلان انه فقير ف شاف ناس بتفتح بثوث علي السوشيال وترش علي وشها دقيق ف راح عمل كدا .... واحد تاني فقير وزعلان انه فقير قام واخد خطوه ايجابيه ونزل دور علي شغل وبقي بيتعلم حجات جمب شغله .... ممكن الاتنين يوصلو لنفس النجاح المادي وممكن بتاع التيك توك يبقي اغنه منه ودي حاجه تحزن بس دا مش موضوعي

...

بتكلم عن فكره توجيه الطاقه او العاطفه او المشاعر

... في ناس لما بتضايق ان مستواها وحش ف حاجه بتحس بخمول رهيب ومبيبقاش عندها طاقه انها تعمل اي حاجه و ف الغالب بتقضي اليوم كله نوم وتقليب علي الريلز

.... نوع تاني بيتعصب جامد فشخ وبيبقي عايز يكسر الي حواليه

.... نوع تالت بيروح يذاكر الحاجه الي هو مش شاطر فيها او عايز يتحسن فيها

....

الحل سهل اوي علي الورق وكلنا عارفينه بس الفكره ازاي نعمله او ازاي نوجه الطاقه او المشاعر لحاجه كويسه فعلا تقدر تفيدنا بدل ما تكون حمل علينا وتضيع من وقتنا ومن حالتنا النفسيه اكتر

.

بص يا سيدي هنبدا ب اول نوع الي بيفقد الشغف ويموت دا

. الحل انك تغل لازم تغل لازم تتعصب اصل مفيش حاجه اسمها طاقه بالسالب

ف حضرتك اول ماتلاقي نفسك متضايق ومخنوق متروحش تنام لا اتعصب وغل جامد ( متكسرش الحجات استني هقولك هنعمل اي )

....

النوع التاني هو كدا كدا متعصب لوحده ( التالت ف التمام منه )

......

حاليا بقي عندنا 2 عدد متعصبين بص عشان مكدبش عليك برضو موضوع نابع من جواك ف انت هتقوم ماسك نفسك وشويه خطاب تحفيزي بس متعصب الي هو انا لازم ابقي احسن من اي حد ( وانت متعصب ) وهوبا قبل ما تخلص كلام تلاقي نفسك قاعد علي كورس 9 ساعات وهتخلصه ف نص يوم ورط نفسك و ارزع نفسك قدام الحاجه الي هتذاكرها طلع غلك كلو عليها عصبيتك دي طلعها كلها عليها ( طبعا متقطعش الكتب ولا تكسر الاب )

.....

موضوع صعب انه يتعمل ؟ اه صعب بالنسبه لناس كتير

...

بس انا عن نفسي بشوف ان اغلب الحجات الصعبه لو اتمكنت منها ف هي بتعمل عندك فرق ملحوظ ممكن الطريقه دي متكونش نافعه مع ناس كتير بس انا كان فارق معايا اكتر حاجه اوصلك العنوان و الفت نظرك لحاجه انت ممكن متكونش واخد بالك منها بس لو عندك طريقه تانيه ممكن تقولها والناس تستفيد وكدا وخليكو قمامير وشطاطير والكلام الايجابي دا انت تقدر انت قدها انت جامد يلا ربنا يوفقكو

بسم الله الرحمن الرحيم

.

الزمن الحالي يمكن الفجوه فيه بينا وبين الجيل الجاي تبقي اكبر من الي قبلنا ف الموضوع هنا مختلف كتير عن اي فتره قبل كدا مجمعتش معلومات كتير عن الموضوع ف هتكلم من وجهه نظر او كنقاش

.

اول حاجه الوعي من فتره مش كبيره اوي كان في تريند مشهور ان الناس يتلمو علي واحد صحبهم يرفعوه ف الهوه ويسبيوه ينزل علي الارض : طبعا في ناس اتوفت وناس جالها شلل ربنا يرحم الي مات منهم و يشفي الي جاله حاجه .... البني ادم عموما عنده حب تجربه ولما بيشوف ناس كتير بتعمل حاجه ف بيجري يعملها ممكن موضوع ميبانش اوي بس هضرب مثال لما حد بيعمل اعلان لمكان مشهور بيعمل اكل جديد والناس كلها تنزل انها جربته ف بقول ف نفسي اشمعني انا ...... نرجع للموضوع ف ابنك /بنتك /اخوك الصغير او اختك بيبقي عنده لهفه وشغف وحب استطلع وتجربه دا غير انه غالبا لسه صغير ف ميعرفش الصح من الغلط او مش واعي كفايه وطبعا مش متحمل مسوليه قراراته ودا ممكن يعمل كوارث لان انت متعرفش ابنك بيشوف اي او اي المحتوي الي بيتعرض قدامه

....

....

المبادي والقيم

.

لما بنتك تبقي بتتفرج علي السةشيال ميديا وتشوف اغلب الناس قالعين حجاب وبيرقصو و بياخدو فلوس ومعاهم عربيات ومتنغنغين وانتو علي قدكو شويه هنا بيبدا يتاسس عندها مبدي النجاح = دا الي انا بشوفه طيب لو محصلش كدا؟ بيكون في استغراب للموضوع الي هو انا لي ابقي محجبه وكل دول لا طب محصلش كدا ؟ بيبقي في تقبل للموضوع او تعود عليه ودي حاجه برضو مش كويسه

.

لما ابنك يبقي قاعد طول اليوم عمال بيتفرج علي سرسجيه وشمامين وناس صيع او عالم تافهه او ايا كان اغلب المحتوي الي بيشوفه ف انا عندي وجهه نظران الطباع تكتسب غالبا مش بتتعلم ف تخيل هو هيكتسب الطباع دي منين ايوا عليك نور من الواد الروش الي ماسج سنجه وعمال بيرقص بيها من الواد التافه الي بيفتح لايفات ويرش علي وشه دقيق ونشا عشان الفلوس تحب ابنك يطلع كدا ؟

.

طيب يعم الواد بيتفرج علي محتوي عادي جدا الي هو قصص و افلام وحجات من دي طيب ماعلينا

في العام الماضي، اختارت جامعة أكسفورد للنشر مصطلح "brain rot" (تعفن الدماغ) كعبارة للعام، وعرّفته بأنه "التدهور المفترض في الحالة العقلية أو الفكرية لشخص ما" الناتج عن الإفراط في استهلاك المواد السطحية أو غير المثيرة للتحدي على المنصات الرقمية.

وقالت الدكتورة أندريانا بينيتيز، الأستاذة المساعدة في قسم علم الأعصاب بجامعة ساوث كارولينا الطبية: "هذا ما يحدث عندما يستهلك الشخص كميات كبيرة من محتوى رقمي منخفض الجودة، يُشبه من حيث التأثير السلبي الطعام السريع الضار بالصحة العقلية".

ومع ذلك، تظل الآلية التي قد يؤثر بها هذا الاستهلاك على الدماغ غير واضحة، وكذلك مدى خطورته فعليًا.

..

لما بتروح تسال اي دكتور نظر مثلا بيقولك انه التلفون اكتر حاجه ساعتين ف اليوم هو فعليا الدكتور صح مبالك ب ابنك الي مش عايش ابنك يعتبر مش عايش هو عباره عن رقم الناس بتتخانق عليه دا يشده ودا يشده ويفضل ف نفس الدوامه

.........

........

الرضا والشكر

هو طول الوقت شايف ناس تانيهعايشه ف اعلي لفل ف اعلي مكان وهو مش عمرهما شاف ولا جرب الحجات دي و انت راجل امكانياتك علي قدك طيب؟ هو ميعرفش ان السوشيال ميديا بتفوكس علي الجانب الايجابي بس من حياه الشخص ف هو واخد احسن حته ف حيات دا و احسن حته ف حيات دا و احسن حته ف حيات دا وهو عايز يعيش حياتهم كلهم و اي بالحتت الكوسيه بس لانه مش واخد باله من الحتت الوحشه طب و اي المشكله ؟ المشكله ان دا غالبا بيسبب سخط وعدم رضا و بيبقي متضايق منك انت لانك موفرتلوش كل الحجات دي ممكن ميقولهاش صريحه بس غالبا هيبقي عنده مشاكل من جواه

.....

.....

طب ازاي اربيه صح؟

صراحه برضو الموضوع هنا نابع من وجهه نظر ف انا بشوف ان الموضوع يبقي اعتدال لانك مينفعش تحرمه من السوشيال ميديا لانه هيبقي متخلف عن الجيل بتاعه ومينفعش ف نفس الوقت تديله الموبايل طول اليوم هيبقي مجنون ف انا بعتمد موضوع الي هو ممكن تديله الموبايل ساعه ساعتين في اليوم يتبسط بيه زن بقي عيط خليه يخبط دماغه ف الحيط لانه بعد كدا هيستخدم العياط كطريقه عشان ياخد الموبايل ممكن الموضوع يبقي صعب ف الاول بس صدقني بعد كدا مش هيبقي لطيف نهاءي وانا عن نفسي من ناحيه ان انت تراقبه او لا انا مش بحب موضوع المراقبه بس ممكن تراقبه لحد سن صغير بس الموضوع بيقلب بواخه وهو كبير اول ماتبدا تحسه انه فاهم هو بيعمل اي

......

حلو موضوع انهارده ؟

اي وجهه نظركو ف الموضوع و ازاي نقدر نوجهه السوشيال ميديا من تاني