r/EgyptianExpats

انا بقالي فتره بحاول اشوف سوق العمل خارج مصر إذا كان تجارب ناس في ريديت أو articles والي بوصله في معظم الوقت أن ال " shortage for skilled workers" في أوروبا بالتحديد مش في ال office jobs بالعكس النقص اكتر في الشغالات الي فيها. Labor اكتر يعني الناس الي متعلمه هناك ومولده هناك هما الي بياخدو الوظايف الكويسه المريحه نسبيا وفي منهم مش بيلاقي اصلا النقص الحقيقي في مجالات الشغل اليدوي زي ما قولت السباكين ، الكهربائين ، الممرضين ، عاملين في الحديد الحاجات دي احنا ك foreigners الي يعتبر لينا فيها فرصه فيها عكس ال office jobs طبعا مجالات زي الطب مطلوبه بس برضه دي طبيعتها اصعب من بقيت الشغل المكتبي وغير كده تعليمها طويل ومرهق جدا وبرضه التنافس فيها أعلى شويه من الشغلانات الي قولتها فوق بس على الاقل طب فرصك كويسه مش وحشه

تانيا معظم الشغلانات الي قولتها فوق دي السالري بتاعها مش احسن حاجه يعني مظنش تقدر تحوش فوق ال 1000 يورو / دولار شهريا ( الله اعلم انا هابد الرقم ده من عندي من الي بشوفه من تكلفه المعيشه برا أوروبا بالذات)

والخليج من الي بشوفه بقا اصعب من الاول ومفيهوش مميزات زي أوروبا مثلا حتى لو مش هتعمل فلوس أقل في أوروبا بس هيبقى حاجه مختلفه

لو انت عرفت تقعد في مصر بدخل ( مش مهم من وظيفه ولا بزنس ولا استثمار شقه او غيره ) اكتر من 60 الف جنيه كفرد يبقا أظن العائد المادي هيبقا لك احسن من برا عارف الرقم قد يبدو صعب لناس كتير بس انت لو شغال remotely او لشركه برا وبتاخد أقل من ال minimum wage بتاع البلد بتاع الشركه دي تعرف تعملهم وحنا شغلانات الكول سنتر الألماني ممكن توصل ل 40k+. بالحوافز الي هو الي انت عملت مثلا تدريب مهني هناك مش هقدر تحوش جنيه وحنا ممكن تستلف وحتى بعد الشغل ممكن تحوش 1200 يورو بالكثير وغير لو عرفت تستثمر فلوس فا هتجيب دخل اكتر غير برضه انك تفتح مشروع في أوروبا بقا صعب عمتا بالذات ال bureaucracy الصعبه هناك ولو انت شاطر في مصر اظن مع الاستثمارات وانك تيجي على نفسك تقدر تجيب الدخل ده

طبعا عارف ناس هيقولولي مصر وحشه ومصر مفيهاش خير والكلام ده وانا مش هعترض صراحه بس الشغل برا لو معكش شهاده عاليه جامد هتبقا عبد حرفيا

طبعا انصح الناس تسعا للسفر حتا لو بفشل تعيش التجربه وتعرف الدنيا برا عامله ازاي دي ال realistic expectations الي انا شايفها ممكن تحليلي صح او غلط ممكن تختلف معايا رايي يقبل النقد واحب اسمع راي الناس في الموضوع ده

انا ممكن بقول حاجه بديهيه حتا الله اعلم

ايديت اي مشاكل في الكتابه علشان مكسل اعدل :)

Tldr لو دخلك في مصر كويس وفوق الخمسين أو السبعين الف السفر برا مش هيفرق اوي عن مصر إلا لو مؤهلك عالي جامد

مساء الفل يا شباب, انا شاب جاي من بدايه الطبقه المتوسطه , سافرت المانيا من 8 سنين, اتبهدلت واتعلمت.. الخ. شغال شغلانه مش وحشه, سستم ادمن IT في شركه.. مرتبي في المانيا مش وحش, اعلي مرتبات المتوسطه. بقدر احوش في مصر منه حوالي الف يورو مثلا.. ببعتهم علي حسابي في مصري.. للاسف محوشتش كتير, لاني مكنتش فاهم, وكنت بصرف فلوسي في التفاهات ... يلا معلش اتعلمت.. حاليا جمعت فقط 20 الف دولار شايلهم في مصر, بتكلم الماني ممتاز طبعا, ومعايا الجنسيه.. حاليا واخد وضعي في شغلي بشكل كويس, مرتبي بيزيد وهيزيد, المدير بيحبني وانا بحترمه جدا, وشخص ظريف جدا.. في فرصه اني اكبر في الشركه طبعا.. لاكن انا مش عارف مش طايق اقعد في المانيا.. مبقتش نفس الشخص الي كان بيسافر كتير برا المانيا.. ومحب للحياه.. المانيا حطتنا في ضغط كبير , لحد ما الواحد فقد شغفه,, مش برمي الوم علي المانيا , يمكن لو كان الواحد بيتعب ويذاكر من ساعه ما دخل البلد كان ارتاح اكتر.. لاكن الي حصل, مكنتش الشخص الي بيذاكر دائما. المهم , دلوقتي وظعي الوظيفي , علي قد ما في ضغط شويه في الشغل حاليا, لاكن فرصه كبيره اني اتعلمت حاجات كتيره في المجال بتاعي.. مشتت باني عايز اجمع اكتر فلوس ممكنه, حتي صحبتي , مش فاضلها.. عايزه خروجات و اروحلها, لانها عايشه جنبي في المجر وكنت بروحلها كتير.. مش فاضي, دائما عايز اخش امتحانات واخد شهادات, علشان انقل نفسي لمكان احسن, اشتغل في حاجه اروق , وفيها فرصه فلوس اكتر, زي اني اعلم الاجانب.زي العرب وكدا.. في مجالات مختلفه في المانيا... ع امل اني بعد كدا اقدر اشتغل من مصر واخد مرتب المانيا.. الموضوع مش سهل, لاكن مستقبله واضح قدامي وشايف ان الخطه ممكن تظبط لو استمريت, بس محتاجه وقت كبير..
ولا انزل مصر واكبر دماغي لاني زهقان من هنا. يمكن علشان لوحدي, وانا الي عازل نفسي, علشان حاسس اني ع طول مشغول, وانا فعلا بحاول اعمل حاجه كويسه في وقتي, اذاكر حاجه جديده او حاجه.. لاكن دا مخليني منعزل زي ما قولت ومش ببني علاقات ,, مع اني معروف في ميدينتي, وناس بتسمع عني وعايزه تعرفني.. مش مهتم اعرف حد الحقيقه... محتار ما بين انزل مصر, واجرب في مصر, مع اني عارف لو نزلت مصر , مش هعرف اشيل حتي 20 ف الميه من الفلوس الي بحوشها هنا, ومش هرتاح زي منتا مرتاح هنا .. غير اني كمان لا ديني الحقيقه , بس اشطا يعني ممكن اشارك الناس في الحاجات الدينيه, الي بيعملوها الي انا مش مقتنع بيها ,, لاكن معنديش مشاكل معاها, طالما مش هتاثر عليا بشكل سلبي...
ولا اجرب اشتغل مع شركات اجنبيه في مصر.. حاسس دماغي هتنفجر من التفكير...

تعديل
---
سبب مهم بالنسبه لي كمان اني ارجع مصر, هي امي واختي الصغيره.. لاني لا ديني مش مومن ان هيكون في حياه تانيه, فشايف انها فرصه واحده بس اني اكون في جو العائله , وغير ان اختي الصغيره بحبها جدا, و والدي مش قريب منها. فانا بالنسبهلهم كل حاجه..

انا حاليا تانية ثانوي وعندي الماني b1 وانجلش c1 وشاطر مقارنة بزمايلي ، هل لو جبت مجموع كويس اخش جامعة حكومية واقعد سنة تحضيرية فيها واسافر لاامانيا علي طول

ولا اخش الguc

اهلي مقتدرين نسبيا ومعندهمش مانع يدفعوا اي مبلغ

بحس السفر لالمانيا مبهم فشخ او بحس هتاخد اردئ تجربة تعليمية

اصل عشان تعمل سنة التحضيرية هناك وتمتحن هناك الموضوع اشبه بالمستحيل لانك بتنافس الاسيويين

في نفس الوقت سهل تسافر لما تاخد السنة في جامعة هنا

حاسه بعيد عن المنطقية وده مخليني مايل للguc اخلص واعمل ماستر في المانيا

انا عايز اعرف تفاصيل المانيا ، بحثت كتير فشخ والله لو حد عنده تجربة فقط يقولي عشان اجمع ديتالز

بأختصار انا بقالي ١٠ سنين متغرب في الخليج و اموري الماديه تمام الحمدلله و عندي شقتي و عربيتي في مصر.. حاسس اني تعبت جسديا و مرهق نفسيا و حاسس ان حجات كتير فيتاني و فاقد الشغف في الشغل تماما حاليا و عايز استقيل و انزل مصر ااخد اجازه طويله اهتم بيها بنفسي و بصحتي و عائلتي عشان انا مهملهم من ساعه سافرت و عايز اشتغل لنفسي بس freelance او افتح شركه ... هل في حد عمل كدا فعلا او مر بالتجربه دي

لو هتعيش في مصر محتاج كام savings عشان تقدر تعيش من غير شغل و تحط فلوسك في صناديق استثمارية او صناديق اسهم و تعيش عليهم و ايه هو مصروف مناسب لعيلة مكون من ٥ افراد

ليه البنت بعد فتره من الارتباط، عايزه تبقي هي محور الكون بالنسبه للراجل ؟ يا ستي عندنا شغل وحاجات عايزين نحققها، وارد ننسي تاريخ ميلادك.. في فتره فيها ضغط شغل و امتحانات ودراسه… ليه عامله زي الطفيل الي داخل يتغذي ع حياتنا؟ ليه ال*رف دا 😅.. يا ستي بنحب سعتك بس خفي زن شويه !

مساء الخير
حاليا بفاضل ان اسافر اعمل ماستر في المانيا او فرنسا في الكمبيوتر ساينس
شغال في مصر حاليا ريموتلي
senior mobile engineer
هل حد عنده تجره هنا او هنا ويقدر يفيدني
حابب اسمع ارائكم
شكرا جدا

هخلص كلية قدامي سنة و كنت عايز اكمل برة في ايطاليا و اقدم ماستر حد جرب يتعلم ايطالي ولو اتعلمه اتعلمه فين و الايطالي ك لغة ممكن اتعلمه في وقت قد ايه لاني عايز اتعلمه و اسافر بيه مش بالانجلش عشان اشتغل جانب الدراسة شكرا

من كذا يوم كده والصين لافته نظري

انا شاب 30 سنة بدور على حد مهتم يسافر انجلترا تحديدا ونشجع بعض ونفيد بعض باللي نعرفه، انا خريج حاسبات ومعلومات تخصصي السايبر سكيورتي بس لسه مبتدئ في المجال، انجلترا بتحترم الناس اللي شغالة في المجال ده جدا جدا جدا

طرق الهجرة المتاحة ليا حاليا هي عن طريق تأشيرة العمال المهرة بس مش هعرف اخدها الا لو اتبعت لي عقد عمل من هناك الاول، ولازم يكون عندي سنين خبرة وسابقة اعمال، بفكر اروح على تدريب بس بحثت وملقتش حاجة

الطريقة التانية عن طريق الدراسة ودي مكلفة جدا جدا، لو حد مهتم نشجع بعض ونتابع مع بعض يدخل يكلمني برايڤت

انا في تانيه ثانوي و نفسي أخد البكلوريوس من برا. و انا دلوقتي استقريت علي ايطاليا. مزايا ايطاليا ايه؟ العيشه هناك بتفرق عن مصر ازاي؟ انا بدأت في اللغه الايطاليه و عندي انجليزي حلو و مستعده اخد gap year بعد التخرج عشان استعد ليها.

و لو حد أتعلم هنا، جودة التت عامله ازاي؟ بالذات لو كنت في المنطقة الشمالية هناك

محدش يقولي ألمانيا الله يخليكوا عشان والله هرجع من كتر اما بقرأ المانيا المانيا😭😭

مخططين ايه لحياتكم المهنيه والسفر للمستقبل ؟

كنوع من ال discussion

انا اول مره اشتغل في مصر، و معنديش فكرة عن المرتبات هنا انا كنت شغاله في دوله برا مصر و حصل ظروف و رجعت و اشتغلت ريموتلي و دلوقتي عندي انترفيو لبوزشن سيلز من شركة مصريه تعتبر لسه بدأة من ٤ سنين في مجال السوفتوير، و انا بشوف المرتبات هنا فيها تفاوت كبير اوي ناس بتاخد 8 الاف و ناس بتاخد 40 الف و اكتر، فا مش عارفه بجد ايه المرتب الي يبقى مناسب لفرد انك تعيش عيشة كويسه و تحوش منه، و ايه بردو متوسط الرواتب هنا لحد عنده من سنتين لتلات سنين خبرة

معايا تقريبا ١٥-١٦ شهر اتعلم فيهم هل هلحق اوصل B2؟ وممكن ترشيح لأماكن اتعلم فيها تكون بسرعة يعني متقعدنيش في ال A1 ٣ شهور انا بفكر اخلصه لوحدي بصراحة..

انا عندي ١٧ سنة كنت في قطر طول حياتي و بقالي ٤ سنين في كندا. كل مبنزل مصر بحس بدفء و راحة نفسيا مش موجودة في الغرب.

Hena kol 7aga isolated we el gaw bard fashkhh

بفكر أخلص جمعه في كندا و انزل بس نفسي انزل بكره!

تفتكروا هندم؟

انا مقدم على ماستر في ايطاليا و كنت عايز اعرف ايه الخطوات اللي مفروض اعملها من حيث توثيق و ترجمة الاوراق و التقديم على الفيزا بعدها بعد ما يجيلي قبول من الجامعة لو حد مر بنفس التجربة عشان تايه شوية

بقالي حوالي 18سنة برا مصر ومرحتهاش خلال السنوات دي والاسبوع الجاي هنزل مصر صح مش هطول فيها بس مصر غيييييييير😔🙏🏻🙏🏻🙏🏻🙏🏻