r/EGexpats

عايز اسيب مصر

هل لاحظت دا ؟

انا خريج بكالوريوس بيزنس بحب التعلم والابتكار وشغفي بالتعلم في كل المجالات وتطوير ابتكارات تحل مشاكل الناس،

معنديش فلوس اقدر ادرس بيها بره ولا عندي سجل اكاديمي مميز يخليني اتقبل في المنح،

ايه الفرص الممكن أسعي ليها علشان اكمل تعليم واكون في بيئة تساعدني علي الابتكار بأفضل شكل ممكن،

بفكر في كندا أو اسبانيا، علي معلوماتي المتواضعة ممكن يكون فرصتي في السفر هناك والاستقرار احسن من بلاد تانيه.

لو حد عنده خبرة في الموضوع أو يقدر يخليني اتواصل مع حد عنده خبرة هكون ممتن لي جداً

طبعا مش محتاج اوصف الوضع ، لكن عدد الطلاب الهنود الي راحوا هناك داخل على ٦٠ الف السنة دي بس على حسب ما سمعت

كانت النية اني اروح هناك للماستر والدكتوراة وبعدها الجنسية ، لكن اعتقد الدولة هتغير سياسات الهجرة لانها استحالة تجنس العدد ده كله ، طبعا لسه الكلام هيظهر اكتر واكتر في السنين الجاية.

طبعا تجربة كندا وازمة الاسكان وازمة الصحة وكله ظاهر بسبب العدد الي راح وطبعا فوق كل ده انهم بيوظفوا بعض وبيحصل زي شغل عصابات كده مع بعض وكله كوم وتزوير الشهادات كوم.

دلوقتي أنا عايش في الإمارات عمري عدى ال ٣٠ وكنت خاطب وفسخت والصراحة حسيت في بنات بلاد الشام معظم اللي بدور عليه ف كنت بدور من المنطلق ده
لحد ما قابلت بنت جميلة من (الهند)
كدين (إسلام) وطباع مبدئية موجود فيها اللي بدور عليه

لكن خايف من اختلاف العادات والتقاليد والأكثر كمان اللغة
هي بتتكلم انجلش كويس جداً وانا كمان بس ببقى مرتاح أكتر لما اتكلم بالعربي
مش عاوز ادخل في حوار خطوبة بعدين اتفاجئ بحاجه مكنتش واخد بالي منها أو مكملش

ايه رأيكم؟ وهل حد عدى بتجربة مماثلة يقولنا رأيه؟

انا مصمم جرافيك عندي ٢٧ سنة ومحتاح نصائح من الناس اللي قدرت تسافر وتستقر في بلاد عالم أول أو تاني، ابتدي منين عشان اقدر اهاجر. أنا فعلا محتاج الخطوة ديه عشان هتساعدني احقق أهدافي وادعم أسرتي بأشكال كتير.

شكرا مقدما لكل اللى هيشاركني أى معلومات.

ملحوظة* البورتفوليو بتاعي جاهز ابعته لو حد عاوز يشوفه.

عايز ادرس برة بعد الثانوي بس مش عارفً ايه احسن اختيار اوروبا ودول ايه؟؟ ولا امريكا او كندا؟؟
انا الحمدلله مستوايا في الانجليزي ممتاز وحتى لو احتجت اتعلم لغة الدولة التانية دي هتكون صعبة بس ان شاء الله مش هتاخد مني وقت اكتر من سنة لحد الb2 مثلاً..
على حوار الماديات، عايز حاجة بردو متفشخنيش لان يدوي بس هعرف اجيب ال12000€ بتوع الحساب البنكي المغلق ولو حاجة بسيطة عشان وضعي المادي مش احسن حاجة..

سلام عليكم
كنت عايز اعرف لو حد جرب يجدد البطاقة في مصر وهو بيشتغل في الخليج، ايه الاجراءات بالظبط لأن جواز السفر هينتهي كمان 6 شهور بس البطاقة قدامها لسه سنة.

هل اجدد البطاقة الاول وبعد كده الباسبور ولا عادي اجدد الباسبور طالما البطاقة سارية؟ ولو هجدد اخليها حاصل على ولا يعمل بالخارج؟

عايز اروح المانيا ادرس هناك بس غالباً مش السنادي انا عندي ١٨ سنة هخلص ٣ ثانوي واحضر سنة ف كلية مصرية بعدها اروح
بس المفروض بعد الكلية عندي خدمة عسكرية هل دا هيمنعني اني اسافر ولا ايه وضعها بالظبط عشان مش لاقي حد بيتكلم على النقطة دي على اليوتيوب 😓

لو سمحتم دلوقتي انا تميت ٣٠ سنه وعاوز انزل مصر عشان اتصالح مع التجنيد بس الباسبور بتاعي منتهي ، لو ححزت تذكره هينفع ارجع مصر بباسبور منتهي واجدده من هناك ولا لا