r/BetrayedUnicorns

التاروت :هيه كروت رمزية كل وحدة تمثل فكرة أو شعور أو مرحلة بالحياة تستخدم حتى تفهم وضع معين أو تاخذ منظور مختلف عن مشكلة أو علاقه او اي شي و هوه مو تنبؤ حرفي بالمستقبل مثل ما معروف هو أشبه بقراءة للطاقة والمشاعر والاحتمالات الحالية كل كارت يرمز لمعنى نفسي أو موقف يمر بيه الشخص ومن تنجمع الكروت تطلع قصة أو رسالة تساعد الواحد يفهم شنو ممكن يصير و شنو المفروض تصرف و يتكون من 78 كارت ينقسمون الى مجموعه السيوف و العصي و العملات و الكؤس و مجموعه الاركانا و يطول الشرح و اكو مجموعات جانبيه ممكن تقره بيها وحدها او تساند بيها القراءه يسموها الاوركال تكون مختصه بموضوع معين مثلا نصايح عن العلاقات او اوركال ينطيك اوقات و غيرها هواي هواي
هذول يعتمدون على الطاقه
هسه نجي لجزء الثاني الماتركس او مصفوفه القدر هي خريطه تعتمد على علم الارقام اكدر اشوف من خلها طاقتك خلال سنه معينه و انت شنو بالعموم و اشياء ثانيه هواي اذا اريد اشرحها احتاج بوست وحده بس الارقام البيها تفسرها من خلال الاركانا يعني شلون مو كلت التاروت ينقسم لمجموعات منها الاركانا الي عددهم 21 بطاقه همه هذول نفسهم ارقام الماتركس يعني مثلا سنتك رقمها 4 الي هيه بطاقه الامبراطور و هيج تفسرها
اما الخريطه الفلكيه فيه موقع الكواكب في الابراج في ساعه ولادتك هاي ما تطلع السنوات او المستقبل هاي تشرح عنك انت و شنو شخصيتك و علاقتك بعائلتك رغباتك ستايلك شنو تحب شنو الامراض الي معرض الها و هيج و بعد اكو هواي تعبت و هم ما اتوقع اكو شخص حيقره هاي كلها

المهم اكره لانا ديل ري مانكر صوتها حلو واغانيها حلوة بس كوني افهم انكليزي اغانيها مازوخية وترويج اباحي وبيدوفيلي وكل فانزاتها مراهقات تحت سن 17 معندي مشكلة وياهن بس اكو نوع مقرف من فانزها

هل ممكن الانسان ينعزل عن المجتمع و يعيش بعالمه الخاص وحيد و بدون ان يكون ضمن اي فئة من فئات المجتمع ، بس وحيد عايش بسلام بافكاره الخاصة و نظرته الخاصة للعالم ؟

يعني هي كمرق طيبة بس الفاصوليا يعني طعمهن كئيبب كلش تخيل لو تاكل فاصوليا سلگ بدون تمن ومرق يعني حشه حشه نعمة الله ومركة كئيبة اذا وحدها بدون لحم او دجاج واحسهه بس مقبلات ماترهم تكون مركة رئيسية نفس الباميا والباذنجان والشجر والقرنابيط والخ وتحياتي

اكتشفت شغله بمجتمع ريديت انو هم يستعملون اسلوب القطيع سواء برأي أو بأي حركة ثانية مثلا

انت نشرت بوست على صب معين كاتب بي على سبيل المثال (لا يوجد دليل على وجود الديناصورات) أول شخص راح يجي ممكن ينطيك رأيه هو اتجاه موضوعك

الباقين اللي راح يجون راح ايشوفون تعليق الشخص الأول و ايقلدوه من ناحية التفكير و من الممكن هم عدهم اراء ثانية بس يتخلون عنها لانهم قطيع(الاغلبية مو الكل )

و كذلك على الابفويت و الداونفويت مثلا اني شفت تعليق ميعجبني خليت عليه داون بدون ما ارد أو اسوي شي الباقين اللي يجون و ايشوفون نفس التعليق عليه داون واحد، حتى لو چانوا مفاهمين السالفة گبل ايخلي داونفويت

هذي الاشياء ما تعتبر ذات قيمه حتى واحد ايحطها بعين الاعتبار بس هو المغزى من كلامي انو اسلوب القطيع بكل مكان حتشوفة موجود حتى بأرقى الشعوب لان هذا الاسلوب ايوفر على الفرد جُهد التفكير (ايعينون واحد ايفكر ببدالهم) فأتمنى انو يتجنبون هاي السالفة لان صراحتاً تقلل من قيمتهم ، و ارجع و اگول هالكلام اقصد بي الاغلبية مو الكل لان اكو ناس بهالمجتمع جداً مثقفين و خلوقين و مرتبين (عدا حوري ههه)

فهمتني شلون؟

اسف على الاطالة بس موضوع ايضوجني و حبيت احچي بي