r/BUENZLI

Ir letschte zyt isch es mir mehrfach passiert, dass (vorwiegend jüngeri, oft mit überdimensionierte Chopfhöörer ufm Chopf) Fuessgänger, wo in Fahrtrichtig ufe Fuessgängerstreife zueloufe, plötzlech eifach ufe Fuessgängerstreife use lauere, ohni o nur einisch dr Chopf i mini Richtig z dräie.

Bis iz hani se jedes mau gseh, und bi ou druf vorbereitet gsy das genau das chönnt passiere, aber ou ig bi nid e perfekte Outofahrer.

I finge es isch doch e relativ suizidali strategie, eifach uf d Strass use z loufe und druf z vertroue das dä Outofahrer wo chunnt mi de scho gseht und übere laht.

Iz wär mini Frag, isch es legitim i sore Situation die Fuessgänger aazhuupe?

Ig erwarte ja nid unbedingt es "Merci" in form vomne Winke oder Nicke, es mues nidemau diräkte Ouge-Kontakt sy, aber i finge e Fuessgänger/in sött doch scho im Minimum churz si chopf in Richtig vom herankommende Vercheer chönne dräie, damit dä o cha gseh das die Person vermuetlech d Absicht het, d Strass z überqueere.

Bis iz hani no nie ghuupet und die lüt eifach übere glah, woui ou nid sicher bi öb das när irgendwie aus unnötigi Agression ufgfasset wird.

Was würdet dir i sore Situation mache?

Mir hend ide neue Wohnig welle Muggegitter bide Fenster installiere. Hend denkt, mer chönd guet so Chlettgitter vo Tesa via Galaxus chaufe. S Problem isch aber, dass mir kei Rollläde sondern Fensterläde hend, und die Fensterläde au no so saublöd am Fenster aagmacht werded ("Anziehschlengge"). Heisst, mir chönted theoretisch s Flügegitter nöd zwüsched Fensterläde und Fenster installiere. Jetzt hemmer aber denkt, dass mer doch eigentlich d Fensterläde eifach chönted mit Magnet zemehebe, damit mer die dumme Anziehschlengge eifach nöd bruche münd.

Het da echt öpper e Idee für e gueti Lösig, was Magnet aagaht? Ich hett denkt, so zwei gegepoligi Magnet a beidi Fensterläde chlebe damit die zemehebed. Aber was für Magnet? Oder het öpper vlt no e ganz anderi Idee?