u/swanono26

جيفري مورجان يا جماعة ممثل تقيل جدا قبول اداء مشهد يدوبك ومع ذلك اداءه فيه رهيب كان نفسي يظهر اكتر.

بسمع كتير عنه وسعره للاسف عالي عايز اجيبه بجودة كويسة تكون قريبة للاورجينال حد يعرف منين؟

بقيت احس الحياة في مصر بتدمر اعصابي والله من المواصلات اللي اغلبها خناقات ووقفة وتضييع وقت وكل واحد بيطلع زهقه في التاني لروايح العرق اللي تعميك لناس بتحكي مشاكلها وازاي مش قادرة تجيب الدوا لمعرصين بيتكلموا ازاي البلد بعيدة عن المؤمرات وازاي ربنا حاميها للمشي في الشارع وتشوف اطفال وناس بيضربوا الكلاب والقطط ولو كلمتهم هيتغشم عليك لحاجة بقت بتتعب اعصابي مؤخرا اني اسمع صوت مهرجانات او الاغاني الغريبة اللي كلها موسيقي عبثية لما ادخل محل او عصارة واشوف الشباب اللي لبسه غريب دا وبيتكلم بطريقة غريبة بحس اني مخنوق بشكل مش طبيعي وطبعا مش محتاج اقولك المشاوير والمعاملة بتاع تخليص ورق ملوش لزمة و بقيت بسمع من قرايب ومعارف ارقام كبيرة لمهر وشبكة ومصاريف عشان يتجوزوا

تسمع عن خناقات كبيرة علي مصاريف البيت بين الناس وراجل ضرب مراته بشكل مجنون ومضطرة ترجعله عشان معندهاش بيت واهلها ميتين تسمع عن زيادة اسعار حاجات كنت بتشتريها فبقيت مضطر عشان تمشي حياتك تستغني عنها او تحرم نفسك منها فترة بقيت نادر تعرف تلاقي مكان في خضرة حلوة تشم نفسك فيه وخروجاتك لاي كافيه او حتة نضيفة بقت مكلفة عليك متقدرش تكررها كتير

صوت الناس العالي علي حاجات تافه واصوات الوش والاغاني والمواصلات مبقتش تشم ريحة الهدوء

عارف اني عشوائي بس مشاكل في كل حاجة طول ما انت البلد بقت جحيم بالنسبة لي بقي كل يوم بحسه تقيل عليا فيها.