همم مدري هو فضفضة ولا ايش
كنت احبها ودايم افكر فيها وانا الي ابادر دايمآ واليوم بالصدفة اقلب في جهات الإتصال لقيتها مبلكتني....
تعرفنا السنه الي فاتت، العلاقة الوحيده الي سعيت لها.. قبلها ما قد بحياتي جاني friend crush ورغبة قوية اني ابي اصادق احد واتقرب منه. ليش كنت ابي اتعرف عليها؟ silly شوي ، تشبههههه وحدة من صديقاتي سبحان الله دايم اجي ادور على صديقتي واجيها هي بالغلط فقلت ليش ما اتعرف عليها؟
يعني صراحة حتى شخصيتها جذبتني، هادية جدا و مسالمة.. وقت الفسحة كنت اجلس بمكان بعيد عنها بس اقدر اشوفها.. ما كان في احد يقعد معاها وهذا الي شجعني اروح اتعرف عليها
.... انا خجولة وهي هاديه مرة، كنت استحي اجي اسولف معها او اقعد معها قعدت كذا ترمين بس اناظر وودي مرة وزي وبخاطري اتعرف عليها بس ما سويت شي. اخر ترم داومنا انا وهي بيوم غياب (ما كنت ادري) سالتها عن اسمها وجاوبتني وخلاص ما سولفنا ولا شي.
يعني، ما اتذكر سولفنا كثير لانها صادقت وحدة وصاروا يقعدوا مع بعض وانا ما ابي ابيت ملقوفة ولا اخليهم مو مرتاحين فاا بس مرة وحدة سالتها عن اختبارها، اجاباتها بس اي ولا وصوتها ناعم وهاااادي ازعاج الساحة ما سمعت شي وخلاص من بعدها بس اناظر من بعيد ما جيتها الا اخر يوم عشان بروح مدرسة ثانية معد بشوفها. طلبت توقيعها (حركة عادية نسويها كل اخر سنه) عطيتها هدية بسيطة لاننا مو قريبات مرة ما ابي اصير اوفر بس بنفس الوقت بخاطري اهديها.. كنت كاتبة رسالة صغيرة ما اتذكرها بالحرف بس كان فيها (احبك و بشتاق لك يا فلانه) ... يوم جيتها ابيها توقع مدري كذا نفست شوي وقالت دقيقة وفعلا جلينا دقيقة كذا بس انا واقفة انتظر وهي فاتحة كتاب قدامها بعدين هي وقعت لي وصحبتها كمان (جبت لها هدية كمان).. عطيتها رقمي وكذا وهي الي بادرت اذا كنت مضايقتها اتساءل ليش؟ كانت تقدر تطنش واصلا ما راح نتقابل الا بعد فترة سوووو ليش؟ كنا نتراسل بين فترة وفترة وهي يعني ردودها مختصرة حسيتها ما تبغى تسولف وانا قرقرقر قمت وقفت صرت احس فشلة بس يعني ما حذفتها ولا بلكتها اليوم لقيتها مبلكتني ماش كان عندها مكانه بقلبي واكتشفت انها ممكن تنقل مدرستي السنه الجايه واوووه جلست افكر متى بنتقابل؟ لاني اكبر منها ما بنكون بنفس الفصل وفكرت اتفسح مع صديقاتي الي قدي يوم وهي يوم وكذا دايم افكر فيها نتقابل وانا راجعه بس ما تتعرف علي عشان اغطي وانا جاية كمان اشوفها، مدري ايش اسوي السنه الجاية يوم تجي؟ هل بس اسحب عليها وارمي كل شي؟ ولا اسوي نفسي ما دريت
اتذكر السنه الي قلت لها فيها "احبك" تفشلت مرة وصرت ما استخدم الكلمة لو ايش ما يصير ... وطبعا بكيفها يعني ما اجبرها تصادقني ولا ما تبلكني بسسس لسا شويه يزعل