u/omarzeeshannoor

مَیں اِس بے مَعنَوِیَّت کا سَنگِ گِراں اُٹھاتا ہُوں

خُدا کی خَامُشِی کو، کَربِ جَہاں اُٹھاتا ہُوں

چَڑھائی ختم ہوتی ہے تو پَتھَّر لُڑھَک پَڑتا ہے

مَیں پھِر اُس ڈھلوان کی چُپ، تھَکَن اور دَھواں اُٹھاتا ہُوں

مِرے وُجُود کا کوئی نِشاں نہِیں بَنتا کَہِیں

مَیں پھِر بھی اِس فَنا کا لا نِشاں اُٹھاتا ہُوں

ہر اِک زِیاں کے بعد مَیں پھِر سے کَہاں کَھڑا ہُوں؟

وَہِی کوہ، وَہِی سَنگ، وَہِی زِیاں اُٹھاتا ہُوں

شُعُور کی یہ لَعنَت ہے کہ مَیں جانتا ہُوں سَب کُچھ

پھِر اُس شِکَستِ آگَہ کا بھی گُماں اُٹھاتا ہُوں

نہ منزِل کا یقیں، نہ راہ کا کوئی سُراغ ہے

مَیں پھِر بھی اِس سَفَر کا رَائِیگاں اُٹھاتا ہُوں

جو دیوتا تَماشَہ دیکھتے ہَیں، وہ نہیں سَمجھے

کہ مَیں اُن کے عَذَاب سے بھی آساں اُٹھاتا ہُوں

یہ دَشتِ وُجُود میں تَنہائی کا سَفَر ہے مِرا

مَیں خُود اپنے سُکُوت کا بَیاباں اُٹھاتا ہُوں

نہ سَرِ کوہ پَہُنچنے کی تَمَنَّا ہے نہ خوف

نُورؔ بَس اِس لَمحے کا امتِحاں اُٹھاتا ہُوں