u/nouoooooooooooooor

اهلي صارمين، لدرجة متعبة و مستهلكتني نفسيا، اني بنية مراهقة اذا ما اعيش حياتي و اتعلم هسا، شوكت اتعلم؟

الاغاني ممنوع، جنت اسمع اغاني بالسر من عمر ٧ او ٨ سنين، الحجاب من الثاني ابتدائي والي اني جنت ما ممانعته و مقتنعة بالحجاب بس عباية من السادس ابتدائي، بس بمنطقتنا اما خارج المحافظة عادي بس شوي شوي بدوا يزيدون على موضوع العباية لدرجة ابوي يريدني البس عباية ببغداد واني من طفولتي وبمنطقتي ما تقبلتها وعمري وحياتي ما راح اتقبلها و تعبت منها و دائما تأذيني وما اعرف البسها ولا تعلمت لان ما اريد و حتى الحجاب بديت اكرهه،

جيم ممنوع، ماعرف ليش و ابوي ما يطيني السبب ويكلي حتى لو جنتي ولد ما ادخلج جيم (اني علاقتي وي الاكل متدمرة اساسا)،

قص الشعر ممنوع حتى لو جان يأذيني ومأزمني بطفولتي بس بعدين بالمتوسطة بديت اقصه بس الشعر الطويل دمر طفولتي ،

شعر الوجه (اي شعر الوجه) فعليا مرة بنت خالتي شالته لي ومحد لاحظ لان ماكو فرق اصلا بس بنت خالتي الثانية اجت و سألتني كدام امي و امي حطتني و رزلتني و تصرفت وكان نهاية العالم وكأنها لزمتني ازني حرفيا و فشلتني كدام الصغير والجبير وهذا الموقف منها عمري ما راح انساه حتى لو اني مسامحتها راح يبقى يأذيني ،

كل مرة نروح بيها لبغداد ابوي يسوي علي محاضرة و يا اما يكول بعد ما نروح لو يكول تلبسين عباية حتى ببغداد واني ما اصدك اطلع من النجف علمود انزعها بهاي الجم يوم كل سنة ،

المشكلة من ناحية ثانية ما اكدر اعاركهم وافاتحهم بكل هذا لان هم ما مقصرين علي ماديا وما حارميني من اي شي و ما يضغطون علي بالدراسة.

اذا اي شخص ماعنده كلام غير مسكينة لو اشردي فا لا يكتب اي شي احسن