u/nomnompookie

السلام عليكم شلونكم بنات انا ماعندي احد افضفض له بس انا دفعه ٢١ خذيت سنه راحه بعد التخرج من الثانوي عشان ارقع القدرات لاني كنت ابي طب اسنان الحمدلله انقبلت طب اسنان السنه اللي بعدها الله ماكتب وعدت سنه ثانيه لانه كان حايشتني ظروف ماقدرت ادرس واشد حيلي والحين ابي احول طب مساعد وحيل بخاطري physical therapy بس همن لما رحت لهم قالت لي معدلج لازم يكون ٣.٥ وانا معدلي حدي اقدر ارفعه ٣.١ وافكر اني ابي nursing واحس وصلت ٢٢ سنه ولين الحين مادري شنو ابي اسوي بحياتي اللي بعمري متخرجين او على ويه تخرج وحايشني خوف مو طبيعي لانه مافي شي قاعد يمشي صح ولا ادري حتى لو ابي احول تمريض شنو المواد اللي لازم اخذها وهذه بعد بتاخذ سنه زياده (انا قاعده اخذ مواد تحويل لطب مساعد العاديه) واحس فيني بجيه وانا اشوف الكل متخرج وحياته ماشيه وانا متخرجه بالثانوي بمعدل ٩٨.٥ ولين الحين ضايعه انا قاعده افضفض وبنفس الوقت اذا عندكم نصايح اقدر استفيد منها قولوا لي لانه تعبت وانا ابجي من وضعي