مناقشة
مبدئيا انا مش عايز اتخانق انا بس بفتح مجرد نقاش عايز اسمع آراء الناس وبيفكروا ازاي
هل انتوا مش شايفين ان موضوع الكلاب ده مشكلة وان في ناس كتير بتتأذي يوميا من الموضوع ده من أطفال وشباب وناس كبيرة ممكن تكون بتتعض او ان الموضوع بيسببلهم ازعاج وهوهوة الكلاب بتصحي الناس بليل وهما وراهم شغل الصبح ؟
هل عندكم علم ان في ناس بتبقي في تجمعات كلاب تحت بيوتهم بتوصل لأعداد كبيرة زي ٢٠ و ٣٠ كلب مثلا ويقعدوا طول اليوم يتخانقوا ويهوهوا علي بعض وعلي الناس ويطلعوا علي العربيات وبيقطعوا كياس الزبالة اللي فالشارع ؟
انا مش شايف ان الحل هو الإعدام الجماعي زي ما بعض الناس بتقول انا شايف ان الحل هو ان الكلاب دي تتاخد فأماكن بعيدة عن الناس عشان محدش فالإتنين يإذي التاني والكلب اللي بيعض الناس ده المفروض يتقتل والناس اللي بتإذي الكلاب تتحاسب ولو كانوا أطفال المفروض ننبه علي أولياء امورهم .
ملحوظة :
انا بحب الكلاب جدا وكان عندي كلبة بس ماتت من فترة للأسف
ملحوظة تانية :
مجرد تأكيد علي المقدمة انا مش جاي اتخانق انا بفتح نقاش بس