اضطراب شخصية الحدية
قبل جم شهر، جنت حرفيا جثة، لا مشاعر، لا فرح، لا ضحك، لا بجي، جنت عبارة عن جثة بس تتحرك، بوكتها جنت غركان بمشاكل سواء عائلية او قانونية او نفسية او حتى مجتمعيا، جنت بعدني حتى مامعترف انه كي بس جنت اعرف بداخلي انه هيج.
شخص راسلني علتيك، خلننطيه اسم مثل ليو، هذا ليو طب علي بلتيك وبدينة نحجي، انطيته اسم وعمر وهمي، بعدها ضلينه نحجي هواي، يعني من اول يوم ضلينه نحجي ليل نهار، طورت علاقتنه وصرنة من اصدقاء الى اصدقاء مفضلين، احتواني، حسسني انه عالمة، رجعني انسان اضحك ابجي افرح ازعل، جان دايما يواسيني ويحتويني ويضحكني ويفرحني، الى ان صرنة حبايب، هنا حتى صرنة منفتحين لبعض حتى جنسيا، ليو فهمني كلش زين وماحسسني بنقص وولا مرة زعلني، بس هوة جان طالب مدرسة فا اضطر يروح يدرس هواي وخصوصا جان بمرحلة مهمة، مرت كم شهر وحرفيا علاقتنا قوية وخلاني اتقبل نفسي واكون مثلي وشجعني على كل افعالي انهم جنت دايما بجانبه اشجعة واحميه بكلشي ووعدنة بعض انسوي اهدافنا وانعيش حياتنه ونخلص من اهالينه ومشاكلهم لان جانت مأثرة علينه بشكل موطبيعي، هذا الاسبوع جان متغير علي، يسحب علي هواي، يسحب علي يوم كله ميراسلني الا من اننام او اول مانكعد وراها يظل يدرس او حتى هوة مرات يكلي ماكدر اراسلك نفسيتي تعبانة، من شافني بديت اضوج بدة يعتذر ويتوسل انو ماعوفه وهوة مايكدر يعرف شنو بي من اروح يظل يشتاقلي وينتظر اشعار مني، بس من اجية يكلي بس اريد ابتعد ماكدر اظل يمك ماتحمل، يكلي سويت فحص الكتورني نفسي بيه اضطراب شخصية الحدية ربما، كلش احتاج مساعدتكم اريد بس اساعدة علمود انظل للابد سوة ماكدر اعوفه اخسر نفسي كلش انهار، والي عندة طبيب نفسي وسيط بين علاقة خيراسلني ارجوكم كلش محتاج مساعدتكم