u/lllsandralll

امي خلاص بتعتنق الديانه الفيسبوكيه واي زفت بوست من اي غبي عامل نفسه خبير تؤمن بيه ايماااان تاااام بجد هتنقط. يعني دي حاجه تموت ضحك بصراحه، اخويا حرفيا في كليه طب وهي بتعاند معاه ان الادويه كيماويات غلط علي الجسم وان كل الامراض هتتحل لو حطيت حبه كرفس وبنجر وكركم فكل وجبه، دي معجزه انها مشافتش من ضياء العوضي كتير.

نشرحلها مليون مره ازاي الجسم والادويه بيشتغلو وايه اللوچيك في الموضوع ونقولها توزنها وتفكر فيها بالعقل ١+١=٢، نشرح خمس ساعات وفالاخر تكرر نفس الفلسفه الفيسبوكيه كانه في غسيل دماغ فالموضوع. ولو فمره اقتنعت مثلا من ناحيه تقلب علي الناحيه التانيه

امي مشكلتها انها مش بتخرج من البيت ومش بtouch grass والفيس زفت اكبر تواصل ليها بالعالم الخارجي، لكن بجد مش هينفع كده، بقت خايفه من كل نسمه هوا. بتفكرني ب نجيبه فالثلاثه يشتغلونها، التلفزيووون ده حرام، الراديو ده حراااام، الثلاجه دي حرام. نحاول نقنعها تخرج؟ لا طبعا الشارع فيه كلاب بيجروا وبيموتوا كل بني ادم يشوفوه. خلاص نركب تاكسي. لا كل سكان العالم لازم يتم اختطافهم فالتاكسي. طب اوبر؟ نفس الكلام. وطبعا سنها صعب علي بهدله المواصلات.

حرفيا عايشه فحاله fearmongering انا مش قادر عليها خلاص. الموضوع مأثر علي البيت كله وابويا حالته الصحيه متدهوره ومش هقدر اسيبها كده بس مش عارفه اعمل ايه فالفيس. حاولت اعمل بلوكات لمصادر العته والرعب علي صفحتها ولا في فرق. مقدرش امسح الفيس نفسه هتجيبه تاني