u/honeypieneeee

قبل اي شي قل خيرا او اصمت

ما اعرف ليش شخصيتي هيكا ،حاولت هواي ابحث عن الموضوع واتابع مقاطع مختصين نفسيين بس ما اكدر اروح لأحد وجها لوجه

ما اعرف ليش انا ناقصة حنان او اتعلق بسرعة اكره هاي الصفة بيه لاني اشوف اكو بنات قويات وما يهمهن احد حبهم او ما اهتم فيهم دائما من ابحث يطلع السبب اني ما حصلت اهتمام كافي بالطفولة بس كل الي اتذكره انو اهلي ما قصروا بشي ولا حاطين اي شي بخاطري واتذكر جنت العب وياهم ويتابعون ويايه فما اعرف يعني ليش انا صرت هيج ،من عمر تسع سنين وانا اسولف وي ناس اونلاين ويمكن بعمر 14 يلا سولفت مع ولد بس كلها نهايتها تعلق مرضي ويكونون يدورون مجرد تسلية فما اكمل وياهم لاني اتمنى اتزوج الي اراسله لاني ما اتحمل نهاية العلاقة تكون بشكل ثاني بس بنفس الوقت ما اكدر انام بالليل اذا ما عبيت الفراغ العاطفي عندي بهذا اليوم يعني حتى لو شخص طمني الصبح بالليل ما اكون مرتاحة ومتوترة وما اكدر حتى انام وما اقصد اتعلق بولد بس تعلقت بصديقاتي هم والهدف من البوست مو اي شي ولا اريد ولد يجيني بالخاص لاني اصلا تعبت من هاي الدوامة فقط لو عند اي شخص كلام جيد يكتبه او تفسير

بس انا منذ صرت 8-9 سنين وبلغت اهلي خلوني اقلل سوالف وكعدات يم اخواني ما اعرف ليش احسه هذا السبب لانو جنه نلعب هواي العاب بعيدة عن التلفون وبعدين صارت حياتي كلها تلفون الى هذا اليوم ،حاولت اخرج من هاي الدوامة بس ما كدرت لان ماكو شي حولي يساعدني