معقولة اللي سويته شي غلط؟؟
بعد ما نجحت بكلوريا ابوي قال هديتك موبايل جديد، وانا بفضل خبرتي بالموبايلات و هاردوير ف قلتله استنا بدي موبايل كذا اللي ما نزل هلق وبينزل عن قريب ، نزل الموبايل والميزانية كانت ٥٠٠ دلر قلتله كمان استنا في احسن بينزل وبنفس السعر ، واستنيت لحد مانزل وتفاجئت وطلع سعره ٧٠٠ دلر ، فأبوي قال فداك ، المشكلة انا اكبر ابن بالعيلة ومسؤولية البيت والمعيشة صاير بعرفها و بعرف كيف صعبة بهل البلد ، حسيت بذنب بس قلت يلا بردلهم اياهن بعلامات حلوة بالمستقبل ، نزلنا علسوق ومالقينا هلموبايل ابو ال ٧٠٠ فأبوي قال اسأل عن السامسونغ ( اشهر ماركة بالبلد) وطبعا بالأخير اشترينا ٢٥ الترا بصراحة فرحان كتير بس ياريت الفرحة تكمل .....اكتشفت انو ابي متدين مصاري من خالي بألمانيا منشان يشتريلي ، هون حسيت بذنب و تأنيب ضمير مو طبيعي لدرجة ما بحسن أتطلع بالموبايل ولا بحالي وعم قول ياريت وياريت ، بتمنى حدا صار معه موقف مشابه يقلي كيف حسِن يعوض أهله ويرجعلهن تعبهن و زيادة لأني ماني مستعد اعيش مع هلشعور