اظن عندي adhd لاسباب غير المنتشرة
معظم الناس بتقول عندها adhd بسبب تشتتها
انا برضوا مشتت عادي جدا لكن بلاحظ ان لما مبقاش مضغوط نفسيا الدنيا بتسلك وممكن في الاجازات اذاكر بالساعات دون ملل
مشكلتي كلها اني كثير الحركة ولما بتحرك حرفيا كاني فاقد وعيي
يعني مثال اتذكر وانا في ثانوي كان فيه يوم مكانش فيه حد في البيت غيري وابويا وابويا خرج لقى نور الصالة مفتوح وانا في الاوضة قاللي انت خرجت تقيد النور قولتله لا ياعم انا قاعد بذاكر اهو قالي تمام وفضل يخرج والموضوع يتكرر كتير لحد ما في مرة تقريبا فضل مركز بقى لحد ما لقاني بسرح واتمشى في الشقة واخرج اقيد النور واخش اكمل مذاكرة
وموقف شبيه حصل وانا طفل صغير كنت افضل اخش الحمام في بيت ستي اخبط في المساحة من غير سبب لحد ما في مرة لقيتها بتقولي اوعى تكون بتخبط المساحة زي كل مرة ركزت لقيت نفسي بعمل كدا
ده غير اني بسرح واكلم نفسي كتير واحيانا بصوت عالي