u/dvoykin

VENT sorry

tenpo mi ale la apeja mi li suli.
tenpo pi jan lili lili mi la mi jo e jan pona pi mute lili.
tenpo pi jan lili la mi jo e jan pona wan.
tenpo ni la mi jo e ala.
(mi jo e jan pona mute lon linluwi. taso, ala li lon poka mi)

mi wile pana e telo oko tan ni lon tenpo ale. mi ken ala lon poka jan pona ala.
mi wile toki tawa jan ante, li wile luka e jan pona, li wile pali lon poka jan sin.
taso mi ken ala.

mi sona ala e ni: tan seme la ni li lon.
ken la mi jo e monsuta mute? ken la mi jan ike? ken la mi jan ante mute? mi sona ala.

mi jan pi lawa kule. mi ken ala lukin tawa oko pi jan ante, mi ken ala lon tomo kalama, mi ken ala toki pona tawa jan sin.
ni li pakala mute e mi.

tenpo ni la mi lon ma pi mi ala. mi sona ala e toki pi ma ni. ni li apeja mute.

mi alasa kepeken e lipu pi jan sin, taso ni li pakala mute e mi. mi ken ala lukin tawa jan ante sama ijo esun. mi wile ala esun e jan ante. ni li jaki. mi wile ala kin e ni: jan ante li pilin e ni: mi jan pi esun ken. pakala. pakala.

kin la mi moku ala e telo nasa. taso mi pilin e ni: mi o moku la mi kama jo e jan pona...
ken la ni li nasa. taso, o lukin: jan mute mute li kama toki tan telo nasa. pakala...

sina lukin e lipu ni la sina pona.

toki nanpa 1: https://www.reddit.com/r/tokipona/s/Sao2TkzqgV
toki nanpa 2: https://www.reddit.com/r/tokipona/s/Mm3NJygZ2O

sitelen nanpa 1 li jo e toki pi jan nanpa 1-3 e toki mi tawa jan ni.
sitelen nanpa 2 li tan jan nanpa 4.
sitelen nanpa 3 li toki mi tawa jan nanpa 4.
sitelen nanpa 4 li sitelen mi pi ilo nanpa.

transcription

---

jan nanpa 1
https://www.reddit.com/r/tokipona/s/XleQ1UyAA5
> jan pi noka sitelen li soweli GLEGLE anu seme

mi sona ala e ni: soweli GLEGLE li seme.
sina ken ala ken toki ni tawa mi? mi wile sona

---

jan nanpa 2
https://www.reddit.com/r/tokipona/s/mbGeveYIw2
> sitelen "P" li nimi "Pingo".
"Pingo" li nimi sin li sama "tomo tawa".
ona li jo e sitelen "P" suli e sitelen "g" nasa.

sina pona. tenpo ni la mi sona e ni.

---

jan nanpa 3
https://www.reddit.com/r/tokipona/s/dZKJN775qp
> waaa ni li pona mute..
mi olin e lipu sina

sina pona a. sitelen sike pi lawa sina li pona tawa mi.
sina akesi anu seme?

---

jan nanpa 4
https://www.reddit.com/r/tokipona/s/wJ9HdCSRMU
> toki
mi sitelen e ijo P e Kasi.
nimi P li nimi Pingo. sitelen Lasina la ona li go e sitelen P suli.
o lukin e ken kepeken:
mi jo e Pingo loje. ona li wawa!
ni li Pingo loje.
nimi Pingo li nimisin musi. kepeken nimisin ala la Pingo li tomo tawa.
taso mi o kepeken lili e nimi Pingo tan ni:
jan mute li sona ala e ona.

> kin. tan toki sina la mi kama sona e nimisin kin a.
ona li nimi isipin. ona li sin tawa mi.

> sina sitelen e sitelen sama sitelen mi a. musi a.
ona li pona tawa mi. Pingo en kasi li lon.
sina jo e ilo sitelen mute a.
mi jo e ilo "Pilot Parallel"
o lukin:
ni li kiwen.
mi sitelen e toki ni kepeken ilo sitelen telo.
tenpo lili la mi kepeken e ilo ante. mi jo ala e ilo sitelen kule a. mi jo e ilo loje taso.
mi kule e sitelen kepeken ilo nanpa. ken kepeken pi ilo nanpa.

> kin
sina toki e tenpo kama. sina toki tawa jan ante. taso mi wile toki kin.
pakala en utala li lon. ona li lon ma mi kin.
tenpo la mi pilin ike tan ni: mi ken ala ante e ijo ike.
tenpo ni la tan ijo ike mute la mi pilin monsuta ala.
tawa seme la tenpo kama li sama kon walo pi ken ala lukin. ijo ike sin li ken kama.
mi alasa sona e tan pakala e tan utala.
mi isipin e ni tan ni li suli ala. ona li lili.
taso tan lili ni la ijo ike suli li kama.

> mi jan lipu ala. taso mi wile sitelen e lipu nanpa wan mi.
lipu ni li mi alasa toki e tan ijo ike kepeken ijo musi.
mi wile musi tan lipu ni. ni li nasin pi pilin pona mi.
mi sitelen e lipu la mi pana e sitelen namako.
o alasa e nasin musi. pona o kama toki li wawa.

toki. jan pona o a!
mi pilin pona tan sona sin pi nimisin. (mi ante e toki ni tan ni: toki pi sitelen mi li jaki, jan li ken ala kama sona e ona)
taso mi ni li lon ala lon lipu linki.la
mi sona ala e lipu ante
lon lipu seme la min ken lukin e nimi ni?
tenpo ni la mi lukin e ni lon lupu sona.pona.la
taso mi lukin ala e nimisin ante. mi sona ala tan seme.

nimi isipin li pona tawa mi.
mi sona e ni:
mi ken kepeken e nimi "pilin insa" ane "toki insa" anu toki ante,
taso mi wile kepeken e nimi isipin. taso mi o kepeken e nimisin lon tenpo lili.

mi jo e ilo sitelen mute. taso tenpo ale la mi wile e ilo mute mute. a a...
ken la tenpo kama lili la mi o esun e ilo "Pilot Parallel" loje.
mi kin li jo e ilo sitelen kiwen.
taso kiwen mi li loje.
mi olin ala e kule e sitelen mi. tan ni la tenpo mute la mi sitelen kepeken pi kule ala.
mi o pana e sitelen mi ni: mi sitelen e ona kepeken pi ilo nanpa.

mi kama lon lon ma Lusi. tenpo pini la ma ni li utala e ma Ukawina.
ni li pakala e mi e jan mute mute. lawa ma mi li ike mute. tenpo ni la mi lon ma Tosi. ni li pona tawa mi. taso mi ken ala toki Tosi.
tenpo ni la mi o kama sona. mi alasa e pilin pona. mi wile pilin pona tan tenpo kama.
taso tenpo mute la mi pilin ike taso. mi o awen alasa. sina o kin. jan ale o kin.