u/dudeicantfindnames

انا لسا ما بستوعب ان هالمناظر موجودة داخل المدن

مافي اختلاف ان هاي المانجا من القصص الكئيبة جدا واللي بتوجع البطن والقلب. لكن لاحظت بكثير الاحيان انه المانجات متل هاي الناس تتعامل معها على انها معموله فقط حتى تحسس القارئ بالكآبة. رغم في كثير من الاحيان مو هذا هو الهدف منها أبدا.

كمثال، كثير من الناس تتعامل مع البطل على انه يشبهها وتحس بتواصل بسبب تشابه الاحداث وتشابه المشاكل والمعاناة، هذا الشي بيشعر القارئ بمواساة انه لقى حدا متله او بيفهمه نوعا ما، لكن بحس ان غالب الأحيان هذا الشيء ينتج عنه شعور اسوأ، فينك تقول ان طريقة التعامل هاي مع هذا النوع من القصص هي "رمنسة" للمعاناة تبع البطل وتصويرها على انها شي جميل ومميز، أو بتحسس القارئ بانه ممكن يكون بطل قصته بشكل مشابه لقصة البطل.

المشكلة في هذا الموضوع غير انه غير صحي بالأساس، مو هذا هدف المانجا أصلا، بالعكس هذا الشعور المعاكس تماما للشي يلي المانجا بتحاول توصله للقارئ.

الكاتب مرة حكا بمقابلة انه بيشعر بالقلم تجاه الناس اللي بتشوف المانجا هاي انها مجرد "مانجا كئيبة" فقط. النقطة منها -بالنسبة الي على الأقل- هي ان تكون بمثابة تحذير وإنذار موجه للمراهقين او اللي بيبدؤوا حياتهم، القصة سلطت الصوء على أخطاء معينة ونتائجها وبكتير احيان بينذكر شو كان لازم يعمل البطل لحتى ما يكون بهذا الموقف، فالنقطة الاساسية هي بتفرجيك قصة مع مشاكل واقعية بشكل كبير -مع مبالغات درامية طبعا- كتنبيه انك ما تصير متل البطل يلي خرب حياته بايده بكتير مواقف، مو انك تحس بشعور جميل انك بتشبهه.

طبعا هذا ما بيمنع انك تحس باتصال بينك وبين البطل، بالنهاية البطل معمول بهالشكل لان فئة الناس يلي بتقرأ مانجا او اللي عندهم اهتمامات نيردية شوي بتكثر بينهم صفات الخجل او الانطوائية -ما عم بحكي هالشي على انه شي سيئ بالضرورة، انا من ضمن هالفئة- والتالي هذا شي متوقع، لكن السيئ انك تحس حالك *بدك* تكون مثله او تحس بشعور جيد تجاه هالشي لانه ممكن يخلي الواحد يغرق اكثر بالمشاعر والمعاناة هاي.

بالنهاية من تجربتي، المانجا هاي خلتني احس بشعور افضل تجاه نفسي وبرضى أكبر عن حياتي بشكل عام وهي من قصصي المفضلة بين أي شي قريته\شفته.

بجوز اكبر مثال هو حديثه مع خاله لما يحكيله ان ما عنده مشكلة لو بون بون خبص وعمل اخطاء لكن اهم شي ما يلوم ظروفه لان مهما كانت ظروفه سيئة هو يلي بيختار تصرفاته وهو يلي لازم يحمل مسؤوليتها.

أو لما بينحكى بشكل مباشر انو جزء كبير من مشاكل بونبون وليش حياته خربت هو تعامله السلبي وعدم قدرته على اتخاذ اي قرار وانما عايش بشكل رد فعل على يلي عم يصير حواليه فقط.

هذا الموضوع لا يقتصر على المانجا هاي طبعا، نفس الشي فيني اقوله عن evangelion, flowers of evil, وقصص أخرى بيتم التعامل معها بشكل مشابه.

مافي اختلاف ان هاي المانجا من القصص الكئيبة جدا واللي بتوجع البطن والقلب. لكن لاحظت بكثير الاحيان انه المانجات متل هاي الناس تتعامل معها على انها معموله فقط حتى تحسس القارئ بالكآبة. رغم في كثير من الاحيان مو هذا هو الهدف منها أبدا.

كمثال، كثير من الناس تتعامل مع البطل على انه يشبهها وتحس بتواصل بسبب تشابه الاحداث وتشابه المشاكل والمعاناة، هذا الشي بيشعر القارئ بمواساة انه لقى حدا متله او بيفهمه نوعا ما، لكن بحس ان غالب الأحيان هذا الشيء ينتج عنه شعور اسوأ، فينك تقول ان طريقة التعامل هاي مع هذا النوع من القصص هي "رمنسة" للمعاناة تبع البطل وتصويرها على انها شي جميل ومميز، أو بتحسس القارئ بانه ممكن يكون بطل قصته بشكل مشابه لقصة البطل.

المشكلة في هذا الموضوع غير انه غير صحي بالأساس، مو هذا هدف المانجا أصلا، بالعكس هذا الشعور المعاكس تماما للشي يلي المانجا بتحاول توصله للقارئ.

الكاتب مرة حكا بمقابلة انه بيشعر بالقلم تجاه الناس اللي بتشوف المانجا هاي انها مجرد "مانجا كئيبة" فقط. النقطة منها -بالنسبة الي على الأقل- هي ان تكون بمثابة تحذير وإنذار موجه للمراهقين او اللي بيبدؤوا حياتهم، القصة سلطت الصوء على أخطاء معينة ونتائجها وبكتير احيان بينذكر شو كان لازم يعمل البطل لحتى ما يكون بهذا الموقف، فالنقطة الاساسية هي بتفرجيك قصة مع مشاكل واقعية بشكل كبير -مع مبالغات درامية طبعا- كتنبيه انك ما تصير متل البطل يلي خرب حياته بايده بكتير مواقف، مو انك تحس بشعور جميل انك بتشبهه.

طبعا هذا ما بيمنع انك تحس باتصال بينك وبين البطل، بالنهاية البطل معمول بهالشكل لان فئة الناس يلي بتقرأ مانجا او اللي عندهم اهتمامات نيردية شوي بتكثر بينهم صفات الخجل او الانطوائية -ما عم بحكي هالشي على انه شي سيئ بالضرورة، انا من ضمن هالفئة- والتالي هذا شي متوقع، لكن السيئ انك تحس حالك *بدك* تكون مثله او تحس بشعور جيد تجاه هالشي لانه ممكن يخلي الواحد يغرق اكثر بالمشاعر والمعاناة هاي.

بالنهاية من تجربتي، المانجا هاي خلتني احس بشعور افضل تجاه نفسي وبرضى أكبر عن حياتي بشكل عام وهي من قصصي المفضلة بين أي شي قريته\شفته.

بجوز اكبر مثال هو حديثه مع خاله لما يحكيله ان ما عنده مشكلة لو بون بون خبص وعمل اخطاء لكن اهم شي ما يلوم ظروفه لان مهما كانت ظروفه سيئة هو يلي بيختار تصرفاته وهو يلي لازم يحمل مسؤوليتها.

أو لما بينحكى بشكل مباشر انو جزء كبير من مشاكل بونبون وليش حياته خربت هو تعامله السلبي وعدم قدرته على اتخاذ اي قرار وانما عايش بشكل رد فعل على يلي عم يصير حواليه فقط.

هذا الموضوع لا يقتصر على المانجا هاي طبعا، نفس الشي فيني اقوله عن evangelion, flowers of evil, وقصص أخرى بيتم التعامل معها بشكل مشابه.

Fallen statue of the dictator Hafez Al-Assad.

طرق تتشكل بشكل طبيعي بسبب مرور الناس المتكرر فوقها، مش طرق نظامية معمولة بشكل مقصود، في منها سهل الملاحظة ومنها صعب نوعا ما. غالبا في سبب، ممكن مكان سري للجلوس، ممكن طريق مختصر، ممكن مافي شي. في كريقة وحدة لحتى تعرف شو نهاية الطريق والاستكشاف بحد ذاته ممتع.

مالي بالعادة اقرأ روايات طويلة بهذا الشكل لكن هاي اثارت اهتمامي جدا.
بالبداية تعرفت عليها لان سمعت ناس تقول ان طريقة عرض القصة فيها يشبه سلسلة ألعاب احبها ولما قرأت مختصر للبداية حتى أعرف عن شو القصة قررت اقرأها.
حاليا أنهيت 3 أجزاء من أصل 4 وصراحة من أغرب القصص اللي مرت علي للآن.

حتى تصنيف القصة مانه واضح تماما، هي قصة خيال علمي لكن تنحكى كقصة فانتازيا -أو دارك فانتازي بالتحديد-، فيها علوم متطورة جدا لكن بنفس الوقت الشخصيات تعيش حياتها كانها بالعصور الوسطى.

يعني هي واحدة من القصص اللي بتصير بالمستقبل البعيد جدا والبشر خسروا جزء كبير من تطورهم التكنولوجي.
مو واضح تماما هل القدرات الخارقة فيها هي سحر ولا قوانين علمية فوق مستوى استيعاب الشخصيات لكن بسبب أن الشخصيات ما بتفهم اللي بصير قدامها فبتتعامل معاه على انه سحر لان بهاي المرحلة ما عاد في فرق. فيه أشياء بتقول مستحيل تكون "علمية" مثل بعض الوحوش او الطقوس، لكن بنفس الوقت في أشياء بيحكو عنها بشكل مباشر انها اجهزة متطورة بتشتغل بقوانين الفيزياء.
القلاع والأبراج العملاقة يلي بيوصفها بعد التدقيق مثلا بتكتشف انها سفن فضائية أثرية، القمر لونه أخضر بعالمهم لان زمان البشر زرعوه كله.
فيها فضائيين وأجهزة انتقال بين الأبعاد وبنفس الوقت فيها وحوش اسطورية ونبوءات عن نهاية العالم مثل كتير من قصص الفانتازيا.

أسلوب الكتابة كمان بساهم أكثر بهذا الشي، أشياء كتير بتنحكا كتلميح مو بشكل مباشر، أشياء بتنحكا وبتكون مو منطقية أبدا لانها بتتناقض مع شي انذكر قبلها، لكن بعد فترة طويلة -ممكن بالكتاب يلي بعده- بينحكا شي بفسر التناقض، غير ان الرواية هي عبارة عن مذكرات البطل وأحيانا بيتجنب ذكر أشياء ممكن تخلي القارئ يكرهه او يشوفه بنظرة سلبية لان نوعا ما البطل يلي كتب المذكرات بعد كل الأحداث اللي صارت وتطور شخصيته هو مختلف البطل ببداية القصة لما كان صغير وقليل خبرة فممكن أشياء عملها البطل بالقصة ما يحبها البطل يلي كتب المذكرات وبيتجنب ذكرها بشكل مباشر فالكتاب كله عبارة عن قصة من منظور شخص مانه حيادي تماما بكلامه.

أقرب شي لهاي القصة حسيت فلم الانمي Vampire Hunter D: Bloodlust

طبعا البوست مانه مراجعة فعليا لكن حاولت ما احرق شي وبنفس الوقت ممكن اللي يحب هذا النوع من القصص فأكيد بتعجبه.

بشكل عام معروف بمجتمعاتنا العربية كمية الظلم الواقعة على النساء. كشخص عايش بالغربة ومن عائلة مافيها هالاشياء الحمد لله بلاقي نفسي بعيد نوعا ما عن قصص الظلم هاي وما تعاملت معها بشكل مباشر تقريبا ولو اني بعرف انها موجودة وبكثرة. لهذا السبب هاي اللعبة اثرت فيني بشكل ما توقعته.

المكان والزمان كمان فيه تشابه، باليابان بالستينات كانت قدرة النساء على اتخاذ قرارات مصيرية بحياتها بدون ضغط مجتمعي لساتها محدودة وهذا شي مشابه لثقافتنا، لهذا السبب أظن الناس من المجتمعات الشرقية، سواء الشرق الأوسط او وسط وجنوب وشرق آسيا كان عندهم استيعاب وتفهم أكبر لمحتوى اللعبة مقارنة بالمجتمعات الغربية يلي تخلصت من قسم كبير من هاي المشاكل من فترة طويلة نسبيا وصار في جزء منهم يقولو عنها "ووك woke".
هاي مو حقيقة ثابتة لكن هذا يلي شفته من التعليقات على يوتيوب وتويتر.

سبويلرات خفيفة، اذا كثير تتحسس من الحرق لا تقرا:

يلي كنت بعرفه عنها قبل ما ابدأها هو انها سايلنت هيل فيعني فيه خلط بين الواقع والخيال، وبين حالة البطلة النفسية والقوى السحرية او الخارقة يلي موجودة فعلا. وان موضوعها عن البطلة ودورها كبنت او امرأة لكن ما كنت بعرف أي تفاصيل تانية.

سبويلرات كبيرة، اذا ناوي تلعب اللعبة لا تقرا، كمل قراءة حصرا لو لعبتها او ما تقدر تلعب العاب الرعب ومانك ناوي تلعبها بالمستقبل:

في كتير وحوش كان واضح شو يلي بتمثله، سواء التنمر، الحمل والولادة، النميمة، التحرش، التعنيف الاسري وأشياء اخرى، وكل وحش بيتصرف وبهاجم بطريقة مختلفة بحسب هو شو بيمثل من معاناة أو مخاوف البطلة.

والأسوأ طبعا هو العالم الثاني وتمثيل الإجبار على الزواج من عائلة تانية بدون ارادتها لمنافع مادية، طريقة عرض الموضوع انها بتتخلى عن اجزاء من جسمها لحتى بالاخير تسلخ وجهها وتحط قناع -وجه- العائلة التانية لانها رح تصير منتمية الهم وتمحي اسمها كان من احلا الأشياء يلي شفتها بأي لعبة او فلم بسبب قوتها وقديشها معبرة وواقعية.

في النهاية اللعبة ما "علمتني" شي جديد لكن فرجتني شي بعرفه مسبقا بقالب درامي ومؤثر بخلي الواحد يفكر فيه لفترة طويلة.

حتى غنية البداية تبع اللعبة كلماتها بتعطي اللاعب فكرة عن هدف اللعبة:

To be brought to this world, born in shackles she must be

The commandments of the olden days are harder than stone

Seized by the hands at youth, firmly clasped the girl's hands are

Shrouded by the caliginous night, what path is for her to take?

تنويه1: ما أقصد أن حياة النساء هي الوحيدة السيئة والرجال مو مظلومين، لكن بالمجتمعات العربية مافي مقارنة بكمية الظلم لان النساء تحت ظلم أكبر بشكل واضح

تنويه2: لما أقول اني بعيد عن هالاشياء لاني عايش بالغربة ما أقصد ان الثقافة والمجتمع الغربي ككل أفضل أنا ما بشوف هاي الأشياء لكن بالمقابل بشوف أشياء أخرى سيئة بالمجتمع الغربي، كل مجتمع فيه محاسن ومساوئ ومن المهم ان الواحد يعرف كل ثقافة كيف حتى يستقي منها الجيد ويترك السيئ.