الشتيمة بالاهل
​
أنا عمري ما كان عندي مشكلة مع الشتيمة ده لسانك و انت حر فيه لكن توصل للشتيمة بالأهل؟؟
من يومين كنت منزلة بوست أني متضايقه عشان ضوفري اتكسر عادي لا شتمت ولا جيت جنب حد الاقي امبارح في فردة جزمة لا شافت رباية ولا تعرف يعني ايه ذوق كتبلي الكومنت ده و حرفياً أول مرة اتعرض لموقف زي كده! ليه ممكن اشتم واحد بأهله؟ هو الموضوع بقي عادي كده؟ في الشارع و أنا بروح المدرسة الاقي شلة ولاد ماشيين مع بعض و بلا سابق إنذار يقول لصاحبه يا ابن المت**كة و صاحبه زي الاهبل مكمل عادي. يعني أمك اللي تعبت فيك و حاولت انها تربيك احسن تربية في الآخر تسيبها تتشتم ؟ حتى في ريديت الموضوع منتشر لو واحد قال شيء مثير للجدل أو قال حاجة مش على هوى الناس يتقاله "كسم/ك " و شتايم من دي كتير و في الآخر تلاقي معظمهم مسلمين يعني انت المفروض عارف أن ده قذف محصنات و ممكن تدخل النار عشان شتمت واحدة ملهاش ذنب! لو البني آدم اللي قدامك مضايقك اشتمه هو اهله ملهمش ذنب انت ايش عرفك أن امه شرمو/طه ولا ابوه مع/رص؟ مهما كان اللي قدامك شخص زباله أو لا اهله ملهمش دعوة. أنا بعرف اشتم و كان ممكن اشتمه و اشتم اللي جابته بس افتكرت أني هشيل ذنبها عالفاضي و أنا صاحبة الضرر في الآخر فا عملتله ريبورت و بلوك و اتحسبنت فيه (كنت عايزه انزل يوزره كامل بس معرفش لو ده مناسب مع قوانين ريديت ولا لا) فا يا ريت لو انت بتشتم الناس عمال على بطال بطل عشان انت اللي هتشيل كل ده في رقبتك يوم القيامة. حاول لما تغلط اغلط في حق نفسك عشان لو توبت ربنا هيغفرلك و هيسامحك لكن لو غلطت في غيرك هو مش ملزم انه يسامحك
عموماً حسبي الله و نعم الوكيل فيه و في اي حد زيه