كيف تتعاملون مع هذا النوع؟!
يا جماعة أنا تدرسني دكتورة سيئة بكل ما تحمله الكلمة من معنى مره اسلوبها سيء مع الطالبات واستنقاص مننا بشكل كبير وتعاملنا زي العبيد عندها وتهدد البنات بالتنقيص دايم على اي شيء!!! اكتشفت انها تحب تخوف البنات بدرجاتهم او سقوطهم مادري ليه النجاسه هذي ، بعطيكم مثالين بسيطه يعني مثلا فيه بنات كثير ما وصلوا إلى حد ساعات الغياب اللي يخليهم يتعرضون للحرمان تخيلوا انها تهدد البنات ذولي عشان بس غيابهم متكرر تقولهم بعطيكم حرمان وللاسف تقدر تسويها مادري كيف تنام بالليل وهي عادي تظلم البنات كذا !!!!!! فوقها تخيلوا لمن بنت تقول لها بسبب ظرف ماقدر احظر عادي احظر مع الشعبة الثانيه تخيلوا ترفض !! الموقف الثاني بنت سالت عن شي بالسبورة وفشلتها و قعدت تكلمها بطريقة شوي كنها منزعجه ، مره مستفزه وفوقها معطيتنا اسايمنت تلخيص منهج كامل وباشتراط انه يكون كتابه باليد تكفون تشوفون هذا طبيعي ؟ ملاحظة البيئة اللي حنا فيها ما تنفع فيها الشكوى للأسف بيرجع علينا الموضوع لو اشتكينا احنا خسرانين + اغلب البنات يخافون منها لذلك محد يتكلم اصلا عنها
ملاحظة ثانية : الدكتورة مو سعودية