انا من زمان ضد الزواج وما اشوفه شي اساسي بالنسبة لي. بس صار لي فترة افكر بالموضوع واحس اني شوية متقبلة الفكرة بس المشكلة الكبيرة اني اخاف من الزواج.
ماشفت امثلة ايجابية عن الزواج وانا صغيرة ودايماً اشوفه شي سلبي ونكدي وكانه شي راح يمنعني اعيش حياتي. بس تعرفت على بنات فيهم السنع وصرت اتخيل نفسي متزوجة واطلع معاهم (رفيجاتي) play dates وجذي لانهم غيروا مفهوم الزواج ان اهو شي جميل!
اعرف ان الزواج نفس اي علاقة فيها ايام حلوه وايام مره. بس انا وحده اعاني من مشاكل نفسيه واحس ظلم اتزوج واحد ويبتلش فيني. الحمدلله انا تعالجت وصحتي افضل بس رد فيني التوتر في الاشهر الاخيرة وانا ما احب الادوية. اخاف اذا يالي النصيب راح اخرب العلاقة لاإرادياً لان فيني anxiety قوي.
وشغلة ثانية الحمل والولادة. هم هذا اخف منه. اخاف مع تغير الهرمونات صحتي النفسية تتدهور اكثر ويحوشني اكتئاب ما بعد الولادة. وهم الولادة نفسها تخرع (للاسف قريت وايد قصص تخرع) واتخيل اشياء توترني عالفاضي.
ادري وايد منكم راح يقول لي ان لازم اتعالج مع therapist و و و
وفعلاً رحت بس كلهم قالو لي اخذ ادوية. ولو كنت بس براجع علشان افضفض الخاص اسعارهم غالية والحكومة يفتحون ملف وانا رافضة هالشي.
انا مابي اتزوج علشان i fall in love و هالخرابيط.
اذا تزوجت علشان يكون شي يلهيني من افكاري (طبعاً هذا التفكير خطر). عادي عندي اكون ربة منزل واكرس حياتي اجابل بيتي وعيالي المهم ان شي يلهيني. حتى لو هذا مو الحل المناسب.
بس شلون اسوي هالشي وانا اخاف من الزواج؟ شلون اغير تفكيري واحب الزواج لاني ابي هالشي؟