u/Smart_Garden_1717

ليش المجتمع يعارض انتحار الانسان؟،انسان عاقل ناضج كره حياته ويريد ينهيها ليش المجتمع يحاول يمنعه و لمن يمنعوه بكل بساطة يعوفوه؟،هم جانوا يكدرون يساعدوه من البداية اصلاً بس مساعدوه(هذا اذا مجانوا هم سبب بؤسه)

عتق رقبة بريعصي قبيح الهيئة اثناء تشجيع الجميع لك لقتله هو اعلى مراحل السلام

واني كاعد انتظره يطلع فتت على ديب سيك و بحثت عالبريعصي و اكتشفت شكد هو جبان و يشوفني ثانوس مو انسان فهنا كعدت اسئل اسئلة وجودية،هو ليش البريعصي لازم يموت؟ و اجتني هم اسئلة فلسفية،هو البريعصي احنا نكتله لان هو خطر علينا لو بس لان شكله لعبان نفس؟ وعندها أدركت ان السبب الحقيقي لمحاولتي إنهاء كيانه المادي من الوجود هو لان مرت اخوية تخاف منه و مستحيل تدخل لغرفتي وهو موجود،فرحمته و فتحت باب البلكونة و انتظرته يطلع لحد ما فلت لبيت الجيران وكذبت على مرت اخوية و كلتلها كتلته،وهنا الكل سعيد ،البريعصي سعيد لان نجه بحياته،مرت اخوية سعيدة لان عبالها فطس،اني سعيد لان مرت اخوية حترجع تنظف غرفتي

طلعت من غرفتي و لكيته عالحايط،سمطته بالعودة و دمه طش عالحايط وفلت وراح ورة الكنتور بغرفتي،فلشت الكنتور وبعده خاتل وهسة كاعد وادخن انتظره يطلع

قبل شوية من رجعت للبيت شفت بريعصي صغير ورافع راسه علية ومجان خايف،فبكل بساطة شلت النعال و لزكته بالحايط و فطس،وبنفس الوقت من صعدت لغرفتي لكيت بريعصي جبير و راسه جنه ثور،تتوقعون شسوه؟،بس شافني فلت عبالك شايفله اسد ومالحكت اكتله لان سريع و بنفس الوقت عندي شوية خوفة من الكبار،هنا اني فكرتي،هو ليش الصغير بقه و الجبير فلت؟،فكرت بالموضوع بعد ما طكيتلي جكارة و اكتشفت ان الجبير استوعب البشر كتالين البريعصيات لهذا فلت و الصغير بعده ماعنده خبرة بالحياة عباله الانسان مسالم وجانت نتيجة برائته هو الموت،الجبير فهم اللعبة و استوعب الحقيقة المرة بالنسبة اله كبريعصي لهذا فلت ،طبعاً هذا الموضوع مادري هو عميق لو بس اني اريد اسخت وماريد اقرة للفاينل