u/SUV_Audi

ಬಾಲ್ಯದಲ್ಲಿ ತುಂತುರು, ಬಾಲಮಂಗಳದಲ್ಲಿ ಬರುತ್ತಿದ್ದ ಡಿಂಗ, ಶೇರು ತರಹದ ಚಿತ್ರಕಥೆಗಳು ತುಂಬಾ ಇಷ್ಟವಾಗಿದ್ದವು. ನಂತ್ರ ಗಂಭೀರ ಸಾಹಿತ್ಯ ಓದಲು ಶುರು ಮಾಡಿದ ಮೇಲೆ ಆ ಪ್ರಕಾರದಿಂದ ದೂರ ಸರಿದಿದ್ದೆ.

ಕನ್ನಡದಲ್ಲಿ ಪರ್ಸೆಪೊಲಿಸ್ ಎನ್ನುವ ಗ್ರಾಫಿಕ್ ಕಾದಂಬರಿ ಇದೆ ಎಂದು ತಿಳಿದ ಮೇಲೆ ಇದನ್ನು ಓದುವ ಮನಸ್ಸಾಯಿತು. ಇದು ಮೂಲತಃ ಫ್ರೆಂಚ್ ಭಾಷೆಯದ್ದು . “ಬಾಲ್ಯ ಮತ್ತು ಯೌವನದ ಕಥನ” ಅನ್ನೋ ಉಪಶೀರ್ಷಿಕೆಯಡಿ ಅನುವಾದಗೊಂಡಿದೆ.

ಕಥೆಯನ್ನು ಸರಳವಾಗಿ ಹೇಳೋದಾದರೆ — ಇರಾನ್‌ನ ರಾಜಕೀಯ ಬದಲಾವಣೆಗಳು , ಬಾಲಕಿಯ ಜೀವನದ ಮೇಲೆ ಹೇಗೆ ಪರಿಣಾಮ ಬೀರುತ್ತವೆ ಅನ್ನೋದನ್ನ ಹೇಳುತ್ತದೆ. (ಇದಕ್ಕಿಂತ ಹೆಚ್ಚು ಹೇಳಿದ್ರೆ spoiler ಆಗುತ್ತೆ ) ಅನುವಾದದ ಬಗ್ಗೆ ಹೇಳ್ಬೇಕಂದ್ರೆ — ಕೆಲವು ಕಡೆ ಸಂಭಾಷಣೆ ಸ್ವಲ್ಪ ಅಸಹಜವಾಗಿ ಅನಿಸುತ್ತದೆ. (ಅನುವಾದ ಸಾಹಿತ್ಯದಲ್ಲಿ ಸಾಮಾನ್ಯವಾಗಿ ಕಾಣೋ ಸಮಸ್ಯೆ ಇದೇ ಅನಿಸುತ್ತದೆ.)

ಸುಮಾರು 348 ಪುಟಗಳಲ್ಲಿ, ಆ ಬಾಲಕಿಯ ಆಂತರಿಕ, ವೈಚಾರಿಕ, ದೈಹಿಕ ಬೆಳವಣಿಗೆಯನ್ನ ಚೆನ್ನಾಗಿ ವಿವರಿಸಿದ್ದಾರೆ. ಜೊತೆಗೆ ಇರಾನ್‌ನ ರಾಜಕೀಯ/ಸಾಮಾಜಿಕ ಬದಲಾವಣೆಗಳನ್ನೂ ಓದಬಹುದು.

Overall: ಒಳ್ಳೆಯ ಪುಸ್ತಕ. ವಿಭಿನ್ನ ರೀತಿಯ ಓದಿನ ಅನುಭವ ಕೊಡುತ್ತದೆ — especially ಗ್ರಾಫಿಕ್ ಕಾದಂಬರಿ ಓದಿಲ್ಲ ಅಂದ್ರೆ definitely try ಮಾಡ್ಬಹುದು .

ಈ ಬೃಹತ್ ಕಾದಂಬರಿಯನ್ನು ಓದಿ ಮುಗಿಸುವುದಕ್ಕೆ ಬಹಳ ಸಮಯ ತೆಗೆದುಕೊಂಡೆ. 1006 ಪುಟಗಳಿವೆ, ಮೊದಲು ಮುದ್ರಣಗೊಂಡಿದ್ದು 1993 ರಲ್ಲಿ .

ಸ್ವಾತಂತ್ರ್ಯಾ ನಂತರದ ಭಾರತ, ಮತ್ತು ಎಮರ್ಜೆನ್ಸಿ  ತನಕದ ಬದಲಾವಣೆಯನ್ನು, ಸ್ಥೂಲವಾಗಿ ವಿವಿಧ ವಿಚಾರಗಳೊಂದಿಗೆ ಪ್ರಸ್ತುತ ಪಡಿಸಿದ್ದಾರೆ.

ಊರಿನಲ್ಲಿ ವಿಗ್ರಹ ಕಳವಾಗಿರುತ್ತದೆ , ಪತ್ರಕರ್ತ ರವೀಂದ್ರ ಅದರ ಬಗ್ಗೆ ಮಾಹಿತಿ ಸಂಗ್ರಹಿಸಲು ಹೋಗುತ್ತಾನೆ, ಇಲ್ಲಿಂದ ಕಾದಂಬರಿ ಪ್ರಾರಂಭವಾಗುತ್ತದೆ. ನಂತರ ಪ್ರತಿ ಪುಟಗಳಲ್ಲಿ ಭಾರತದಲ್ಲಾಗುತ್ತಿರುವ ಬದಲಾವಣೆಯನ್ನು ಸೊಗಸಾಗಿ ಚಿತ್ರಿಸಿದ್ದಾರೆ. ಈ ಬದಲಾವಣೆಯನ್ನು ಹಿಡಿದಿಟ್ಟ ರೀತಿ ಅದ್ಭುತ . ಜನರ ದಾನ - ಧರ್ಮದ ಮನಸ್ಥಿತಿ ,  ನೈತಿಕತೆಯು ಕಾಲ ಬದಲಾದಂತೆ ಬದಲಾಗುವುದನ್ನು ಹಂತ ಹಂತವಾಗಿ ಬರೆದಿದ್ದಾರೆ .

ಜಾತಿ ರಾಜಕೀಯ, ಸ್ತ್ರೀ ವಿಮೋಚನೆ ಹೆಸರಿನಲ್ಲಿನ ಸ್ವೇಚ್ಛೆ, ಸಂಗೀತಗಾರನ ಖಾಸಗಿ ಬದುಕು, ಬಂಡವಾಳಶಾಹಿ ಧೋರಣೆಗೆ ಬದಲಾಗುವ ಶಾಲೆ, ಎಲ್ಲದಕ್ಕಿಂತ ಮುಖ್ಯವಾಗಿ ಸರಕಾರ ಮತ್ತು ಪತ್ರಿಕಾ ಮಾಧ್ಯಮಗಳ ಸಂಬಂಧವನ್ನು ಗಮನಿಸಬಹುದು. ಇಂದಿರಾ ಗಾಂಧಿಯ ಕಾಲದಲ್ಲಿ ಪತ್ರಿಕೆಗಳು, ಪತ್ರಕರ್ತರ ಪಾಡು ಈ ಕಾದಂಬರಿಯ highlight.

ಭೈರಪ್ಪನವರ ಕಾದಂಬರಿಗಳನ್ನು ಓದಿದವರು ನೀವಾಗಿದ್ದರೆ, ಈ ಕಾದಂಬರಿಯಲ್ಲಿ ಮಂದ್ರ, ನಿರಾಕರಣ, ಕವಲು ,ಅಂಚು ಕಾದಂಬರಿಗಳ ನೆರಳನ್ನು ಸೂಕ್ಷ್ಮವಾಗಿ ಕಾಣಬಹುದು

ಚೆನ್ನಾಗಿದೆ. ಓದಲು ತಾಳ್ಮೆ ಬೇಕು ಅಷ್ಟೇ..