الارق والقلق والزوج
زوجي كل شى فيه مثالي الا شى واحد الا وهو انه مايعرف يمسك الفلوس ابدا وتطير فلوسه وانا مو موظفه ، ياليت فلوسه تروح على نفسه او تروح على اشياء مهمه المشكله ما اعرف على ايش تروح انا ما اطلع كثير هو مايطلع ابدا مثلي من تزوجت وانا احاول قدر المستطاع اقتصد وحتى بالدوام اسوي له لنش بوكس لانه احيانا يداوم 12 ساعه ف اسوي سناك ووجبتين المهم اني اسوي الي علي ماعندي شغاله ارتب وانظف وكل شى انا بس عشان نقدر نقعد لنهايه الشهر ومعنا فلوس
مايحط شى على جنب ابدا وانا بديت معد احس بالامان معه دايم نهاية الشهر طفرانين مهما حاولت اقتصد مايبقى فلوس بطاقته مشتركه بينا اعرف انه ماتنصرف في اشياء خطا احاول اتصدق بالفلوس سويت كل شى لكن الفلوس ماتقعد بسببه لانه مايعرف متى يقول لا او اي انا طفشت من النظام هذا صافي الراتب الي يبقى لنا بعد كل الالتزامات 8 الاف تخيلو مايخلص اسبوعين الا وهو مخلص شلون لحد يسالني والله هو مدلعني مايقصر لكن صرت دايم اقول ما ابي لاني ابي يبقى فلوس نهاية الشهر هذا الشهر باقي 500 ريال والراتب باقي له 15 يوم !!! تعبني لي شهر مانام الا 4 ساعات مم القلق والإرهاق معد لي خلق شى اتعذر من الناس دايم عشان مافي فلوس
حاولت امسك الفلوس بنفسي وضبط الوضع شوي لكن نفسيتي تعبت اكره امسك انا الفلوس ما احب ابي احس بالامان معاه ولي 3 سنين مأجله الاطفال وقلتها بوجهه اذا مرت سنه وعرفت تمسك الفلوس جبت طفل غيرها ماا قدر اجيب بزر بهذا الوضع المتعب نفسيا علي وعلى الطفل
اذا احد عنده حل يعلمني