u/OrchidSpecial4932

كدا بس حذفت مشروع من ٦٠ رسمة -شغل حلال ما ذوات ارواح- قضيت فيها ٣ شهور لمتجر الكتروني مستقبلي وكدا.

إلا الحىماقة أعيت من يداويها.

قعدت أحسب دي بتطور الذكاء الإصطناعي التوليدي كان ممكن أطلع منها كم نمط جديد واعدل وازيد وانقص والخ -كلو بصورة رسمية ما فيها غش بالنسبة لذكر استخدامي للذكالي- المهم خسارة كبيرة لكن دا درس عشان أخلي الحماىقة والتىهور واتعلم الصبر، الحرب علمتني إنو لكل بداية نهاية وبقيت بالي طويل شديد وبقعد في الشغل لمن ضىهري يتكسر، لكن ما استفدت منها في نقطة الحىماقة دي بل زادتني حمىاقة بشكل فظيع. الله يلىعنىك يا حميدتي.

االإمام تم الخطبة وقال استقيموا واعتدلوا صلوا صلاة مودع، اها قال الله أكبر، في زول بكورك من الشارع: صلاة مودع كيف يعني يا زول؟ انا في الصف الأول سامع الزول دا ماشي بين الصفوف وصوتو بقرب وبسب بأشقع الألفاظ وبذاءة شديدة وبقول انا من ولد اسماعيل كأنو بيدعي النبوة بعد شوية جا طلع أول الصف على اليمين وبسرعة ماسي على الإمام وبكورك ووقف قدام الإمام وقعد يتكلم كلام كتير كدا وخطف المايك من قاعدتو وداير يجري بيهو، في مجموعة شباب نطو مسكوهو والإمام مستمر في صلاتو وفي جزء حارس الإمام، ديك جرو الزول طلعوهو من المسجد، لمن انتهينا من الصلاة وطلعت بره لقيتو قاعد في ست شاي وبقول: يااااا محمد رسول الله، انا الإمام الخليفة المهدي *استغفر الله العظيم، ياااااا محمد *انا شنو كدا ما عارف*!! والله قربت افنو بطوبة مسكت نفسي بس 😂 بعد كم يوم لقيتو ماشي في الشارع بقول: خت السلاح تحت يا عسكري! 😂 الحرب دي فوتت بناس كتار خلاص، الغريبة الزول نظيف ولبسو كويس جدا ما عارف دي حالة ولا بيستهبل ولا شنو!! لو مريض ربنا يشفيهو.