نصيحة اخوية
كشخص مر بمراحل معينة كمبرمج بالعراق، حسب وجهة نظري و حسب الي شفته حتى الان في حياتي ردت اكول جم كلمة لبعض الناس قد يفيدهم
اخوان الحياة مو وردية، اذا انت بعدك بعقلية الي اني جنت بيه بأيام الكلية و حتى بعد التخرج والله اروح اتعلم جم شغلة بعدين شركات راح يركضون وراي و ما ادري شنو، هاي كله جذب انت راح تتأثر منه. بحياتك محد راح يجي يلزم ايدك و يساعدك او ينطيك شغل لا شخص ولا شركة
راح تعاني هواي، راح تبقى بدون عمل لفترة كلش طويلة، حتى اذا لكيت شغل و جنت محظوظ راح تعاني كلللللللش بالاشهر الاولى و راح تدخل فترة ما تكدر تاكل ولا تنام
مريت من كل هاي الامور، و بعدني دا امر، يصير ايام ما اكدر انام زين او اكل زين كله بسبب ضغط العمل و ايضا ستريس الي عندي
شغلة ايضا كلش مهمة اتمنى ما تسوون نفس غلتطي، اذا اجاك فرصة عمل لا تكول والله هذا بعيد، هذا صعب، هذا مزعج..... لان فرصة تجي مرة وحدة و بعدين توكف اشهر ما تجي، لا تعلق نفسك الا تحصل شغل برمجي او اي مجال معين محدده بعقلك!!! اذا اجاك شغل يتعلق بأي مجال اشوية بيه حاسبات و وورد او اكسل استغله! لا تكول اني مبرمج و هذا مو مستواي ما ادري شنو، اذا اجاك فرصة عمل راتب 500 الف لا تكول قليل! استغل اي فرصة
السوك حاليا "اكلان خرة" اعذروني عالكلمة بس اريدكم تفتهمون اشداقصد، شركات كله واسطات و اهانة للموظف و كله رواتب قليلة، هذا واقع حال ما تكدر تنكره ولا تكدر تغيره.
جاي اشتغل بشركة كمدخل بيانات والله ايام تصير 12 ساعة اشتغل والله مرات ما يصيرلي مجال اتغذه، هي هاي واقع الحال لازم لازم تعرفه! الحيييييياة مو وردية! راااح تاكل تبن بس تتخرج راح تصير عطال بطال لا عمل لا شي!
انسو موضوع مال ابني برنامج يسويلي فلوس و اني نايم، و انسو موضوع اخلي ذكاء اصطناعي يبنيلي شركة خلال ايام قليلة. كبرو عقولكم و لاتهدرو وقتكم
جماعة الشهادات، اذا عبالك تروح تقرا ماجستير جم سنة بالخارج و تجي تلكى شغل او تتعين انت جاي تضحك على نفسك حبيبي، فمختصر الحجي الي اريد اكوله هو:
اذا بعدك نايم لازم تنهض و تشوف الحياة الواقعية، هاي جماعة اندرو تيت و ما ادري منو هذولة ترا ما يفيدددك بشيي، جاي احجيلك كشخص مر بكل هاي المراحل و ما شاف منه خير. فأخذلك فد راشدي و غير تفكيرك يا صديقي