u/Ok-One1885

مش عارف اقدر اقول عليها startup ولا ايه بس دي الفكرة يعني

​من فترة بنيت منصة لوحدي اسمها Firecave

​الفكرة بسيطة — إنك تلاقي أي معلومة عن أي لعبة في مكان واحد بسهولة وببساطة وبسرعة وبدون إعلانات من غير ما تدور في مليون موقع.

​تقدر تشوف معلومات اللعبة الكاملة — اسمها، تاريخ إصدارها، منصاتها، المطور، الناشر، ومحرك اللعبة.

​Steam سعرها الحالي وأرخص سعر وصلتله من متاجر مختلفة زي Humble و Epic و GOG وأكثر.

​وقت اللعب سواء القصة بس أو مع الإضافات أو تختيم كامل، الـ mods بتاعتها من Nexus Mods، التريلرات، متطلبات النظام بالتفصيل، اللغات، ألعاب مشابهة، Metacritic، تقييم وسلسلة الألعاب والإضافات، وحتى أسماء اللعبة بلغات مختلفة وتعريب الألعاب الي مش بتدعم اللغة العربية.

​وكمان تقدر تقيم الألعاب وتعمل قوائم بمزاجك — لعبتها، بتلعبها، أو نفسك تلعبها — وتشاركها مع أصحابك.

​كل ده في مكان واحد من غير ما تفتح مليون تاب.

​الـ stack

​Next.js App Router + PostgreSQL + self-hosted على VPS عن طريق Coolify + Cloudflare

​الـ Data بتاعت الألعاب من APIs زي RAWG, IGDB, ITAD, Nexus mods

​شغالين مع بعض بطريقة اوتوماتيك وذكية بدون اي تدخل مني

​280+ مستخدم عامل اكونت على المنصة، مع اكثر من 1500 زائر شهرياً وده من كام بوست على الفيس وريديت بس الحمدلله بدون تسويق حقيقي.

​وأطلقت الواجهة العربية مؤخراً برده.

​الحمدلله دا كله في فترة من 8 لـ 10 شهور تقريباً.

حاليا مفيش اي دخل أو طريقة ربح انا بدفع فلوس السيرفر بس

وعندي افكار ممكن اضيفها في المنصة عشان اعمل أرباح بس مستني لما اقدر اوصل لعدد كويس من المستخدمين الأول

​ولسه في تحديثات كتير وأفكار اكثر مجمعها في ملف وبشتغل عليها واحدة واحدة منها اني هعمل المنصة ابليكيشن على الموبيل إن شاء الله.

​حالياً مشكلي الأكبر في التسويق واني مش عارف انشر المنصة.

​وخايف يكون دي حاجه ملهاش لزمة وكل التعب والوقت دا على الأرض.

​وبفكر ابيع كل حاجه من الـ infrastructure لحد الـ codebase والدومين.

​لو عندك أي سؤال أو اقتراح أو فكرة عن ايه حاجه أنا هنا.

​واللينك في الكومنتات ❤️