راح ابدي آني

هاي ورة سقوط بغداد بشهر تقريباً

ولا طير طالع والدنيا ظلمة هندس وماكو لا كهرباء ولا حتى أسم ضوة، بحيث اذا ترفع ايدك ما تگدر تشوفها، آني منهزم من البيت ميدرون بية وواگف بالشارع العام الساعة بـ12 ضبط، الناس كلها خايفة محد يگدر يطلع آني مثل الغبي وحدي بالشارع وشارعنه تقريباً طوله 800 متر

لگيت واحد جاي علية وجاي يمشي بخطوات بطيئة، هو رجال بس حسيته من بعيد لابس كوت وقبعة آني طبعاً خرط عندي السوگ بس ما اعرف ليش بقيت واگف، هو جاي عليه بس على كيفه تحس الجهاز العصبي عنده بطيء، وصل يمي وگف هيچ 10 ثواني يباوع علية وآني مرعوب وهو واگف ما محرك ساكن، فـ سألني "بـ بيش الساعة؟" وصوته چان مال شخص ضخم وملامحه ما مبينة نهائياً، آني طبعاً اريد احچي انبلع لساني فـ چنت لابس ساعة على شكل كرة قدم اللي بيها اضاءة خضرة ليلية من هاي مال اطفال، بقيت صافن عليه رافع راسي اريد أحدد ملامحه لو اشوف شي بيه، الشي الوحيد البارز هو القواطع الثنين الفوگ بسنونه يلمعن وواضحات كلش، المهم سألني مرة ثانية بنبرة أخشن "ساعتك بـ بيش؟" باوعت عليها گلت له بـ12 فـ عبرني وكمل طريقه راح، من راح المفروض ظهره عليه، الكارثة وهذا الشي اللي ما لگيت له تفسير انه سنونه بقن مبينات من ظهره عبالك ما عنده رگبة، بقن يلمعن وجاي اشوفهن، آني شفت السالفة هيچ وهي ركضة للبيت وحطيت راسي بسرعة ردت انام بأسرع وقت وما گعدت الا بالعشرة الصبح

ما اعرف شنو اللي صار يجوز چنت أهلوس او اشتبهت بس الموقف هذا أتذكره مثل أسمي بالضبط وبالساعة هم، اگدر اگول هاي من الشغلات اللي صارت بحياتي اللي لحد هسه ما لگيت الها تفسير بشكل قطعي مجرد انطي إحتمالات، والصورة اللي بالپوست هي صورة تقريبية للموضوع سويتها بالذكاء الاصطناعي قوي الاضاءة مال تلفونك حتى تشوف زين (مع اختلاف ان الدنيا ظلام دامس)، اكو موقف ثاني بعد اقوى من الشغلات اللي هم اعتقد الها سبب بس بعدنا ما نعرفه فـ بعدين احچيه مو هسه

وانتوا؟

بسبب جو الميتا والروك اند رول اللي هنا اريد منكم قنوات مال اغاني على التيلي تنشر اول بأول او او /https://itdmusics.com مواقع مثلاً نفس فكرة https://hiphopa.net/

مو بالضرورة تكون HipHop/Rap بس عالاقل تنشر كلشي

ف اللي عنده لا يقصر

ونقلوهم لمدرسة تأديبية وفصل 15 درجة من السلوك، يستاهلون برأيي وهذا درس للكل

حچي موجه للجميع، احنا بـ بلد مو حر، احنا بـ بلد ممكن على ساعة بجلسة وحدة بالبرلمان ينگلب اسمه الى (الجمهورية الاسلامية العراقية) هذا الواقع، الناس اللي لازمة هرم السلطة ناس طائفيين وضميرهم غائب، نظامنا قائم على ناس تتصدر خطابات الدين والمذهب والتفرقة بشكل أساسي وتستخدم السلطة والنفوذ والسلاح مو بس بالتهديد لا بالتصفية لكل شخص ما يعجبهم، حاولوا قدر الإمكان الابتعاد عن اي شي يعرض حياتكم للخطر، حتى لو چنتوا راح تچذبون او تنافقون، ماكو حل آخر، عيش وتعايش مع الوضع الحالي وحاول تتأقلم وي التيار، المبادئ متفيد اذا جابتلك مشاكل الها أول ما الها تالي

الكارثة ان البخاري نفسه لازم له مصادر، تدرون كتابه اصلاً تجميع، قطعة من تركيا وقطعة من الهند وجزء بالمغرب وجزء بسوريا، يعني نسخة كاملة قديمة ماكو، اللي وصل النا عبر واحد اسمه محمد بن يوسف الفربري وهذا نقلها لتلامذته أبو زيد المروزي وأبو إسحاق المستملي وبعد چم واحد وهذولة نقلوهن لغيرهم، يعني هم اكو سلسلة، هاي كلها حتى يگولون باعوا احنا ننطيكم الرجال اللي نقلوهن للمصداقية، المشكلة اكو هسه شيوخ تلامذتهم وحاشيتهم يشهدون الهم بالمصداقية والثقة واحنا نعرف همه چذابين وكلاوچية، فـ تخيلوا قبل شنو

عندي حساب عالتيك توك انشر بي ملخص اللي قريته وكل فترة انشر شغلات اريد الناس تبقى تفكر بيها، چنت بمركز الابحاث العقائدية مال السيستاني بـ2013 وطلعت وراها گمت احب المطالعة، الشيعة عندهم مرجع أو علّامة چبير اسمه الميرزا حسين النوري الطبرسي

قريت عنه هواي، بـ1881 نشر كتاب اسمه "فصل الخطاب في تحريف كتاب رب الارباب" فـ تخيل شيخ چبير وعالم مثل الطبرسي ينشر انه اكو 2000 رواية على تحريف القرآن، طبعاً حاربوه، طلابه بعد ما راحوله، وراد ينشر طبعه ثانية بس شاف نفسه انحصر حصرة الشسمة ما نشره

اللي اريد اگوله ان الشيعة حرفوا القرآن في سبيل يگولون ان السنة او الناصبة همه اللي شالوا اسماء الائمة من القرآن، تخيل كتاب مقدس تم تحريفه، وحدة من الروايات اللي قاريهن انه اكثر 10000 آية مشيولة من القرآن، طبعاً احنا المفروض نعرف شلون القرآن انكتب وتم تدوينه بالبداية، مثل ما ابو جاسم ينزل من جبل يگول نزل عليه وحي گلي فلان شي