شفت سالفة اليوم هنا ذكرتني بموقف حصل لي قبل اسبوعين كذا...والله مو حسد أو غيرة أو أيا كان. الله يبارك لها ويسعدها ألف مرة غير عن إني أنا اللي زافتها بنفسي
ما ازكي نفسي ولا ازكيها لكن بإذن الله كانت صحبتنا صالحة. يعني نحفظ ونراجع القرآن سوا نتعلم وننفع بعضنا قد ماقدرنا، يعني كذا كل وحدة تحاول تترك أثر طيب بحياة الثانية. صار واتزوجت وحرفيا أنا اللي زافتها مع أمها... أساسا جهازها كاامل أنا وامها وهي اللي جهزناه، كنا أخوات أخوات لذي الدرجة
بعد الزواج نقلت مع زوجها وتغيرت علي مرة، مرة صارت ناشفة معي. وآخرتها أعلنت كذا بسنابها إنها تبارك الله ولدت لما دخلت ابارك لها فوق صدمتي أصلا طلعت ملغية متابعتي....طبعا بلكتها بعد ما أحسنت الظن لين ما خلاص
بس ليش بعض البنات اذا اتزوجت استخفت؟ ماما مو حاسدينك أو غيرانين والله. والطبيعية اللي محترمة نفسها مابتحاول تتدخل بحياتك الزوجية أو أيا كان اللي بعقلك. أحترم وأتفهم انك متزوجة وماصرنا نمر بنفس التجارب تماما بس مايعني اني صرت عدوتك! ايش ذي الغرابة عافانا الله!