u/Nana_Booo

مش كل الناس بدها علاقة جنسية تقليدية

ومش كل الناس بدها علاقة جنسية اصلا

ومش كل الناس ميتة عالاطفال وتربيتهم

بكفي تحشرو رغباتكم عند كل الناس وتفرضوهم عليهم وتقرفوهم بهالكملتين (فطرة، غريزة)

حلو عن الناس وخلو كل واحد حر بحاله ورغباته حر فيها ومالكمش دخل بكل بساطة لو رغبته ما بتناسبكم بس بتقدرو تكونو محترمين وتقولو (سوري رغباتك ما بتناسبني اعتقد ما بنفع نكمل كلام) بسيط الموضوع والله صدقوني مش صعب

بس قلة الادب بلاها رجاء (الكلام مش موجه الا للي اجباري بدهم يخلو كل الناس شبههم)

الذكور المتحرشين الى اين؟؟!

عفكرة التحرش مش بس لمسة او كلمة كمان النظرات الغلط تحرش وديرو بالكم النظرات مكشوفة وبتبين

يعني لما انا ماشية في الشارع رايحة عدوامي وشكلي اصلا مش زابط لابسة اوسع لبس عندي وشكلي ما فيه حرفيا ولا ذرة اشي يجذب اصلا (بعيدا عن انه شكلي ولبسي مالهمش دخل)

والاقي واحد بالسيارة ماشي من جنبي وخفف السرعة ومبحلق ومن كتر ما هو مبحلق مش قادر يشيل عينه مشت السيارة عني وراسه لف لورا

مزع الي يمزع كل متحرش ان شاء الله

دموعي كل شوي تباغتني وتنزل وانا الي اسبوع بمسك في البكية ما بدي انهار بس اليوم ما عم يسمعو كلامي

SOS

ياخي انا ما بدي اكون سترونج ولا اندبندنت

ياخي انا انثى ما بدي اتحمل مسؤوليات في حياتي لا طبخ ولا تنضيف ولا اطفال ولا حتى شغل

انا بدي اعيش حياتي مدللة مع زوج من حبه الي مقدملي شو ما بدي بدون ما اضطر اتعب ولا نتوفة اتدلل واتدلع اشتري شو ما بحب بدون ما اسأل عن السعر واكل شو ما بدي واطلع معاه كل يوم ديت ويجيبلي ورد كل اسبوع ويحبني كل يوم كانه اخر يوم

وهو مستعد يشتغل ويجيب فلوس عشاني بدون ما اضطر اشقى ونسافر نلف العالم ونعمل كل المغامرات الي نفسنا فيها

مثلا نطلع الفجر نشوف الشروق من على البحر

ولا نطلع بنص الليل نشتري ايسكريم ونتمشى

ياخي انا بدي اكون spoiled princess

ما بدي اضطر اطبخ (بعرفش اطبخ) وانضف واغسل وما بعرف شو بس عشان حبيبي بعملهم وانا مبسوطة وهو رح يساعدني وما رح يثقل علي

يكون غني ووسيم وحنووووووووووووون انا بنوتته شايفني ومش لاقي غيري بتستاهل دلاله وحنيته

نعيش في دولة اوروبية ونعيش في بيت دافي في الريف حوالينا الخضار والطبيعة والجو الحلو نقضي حياتنا بدون ما حد يزعجنا فيها

بس السؤال هو شو نسبة اني الاقي حد متل هيك ويكون مقدملي هاد كله من حبه الي ومن قناعته اني بستاهل هاد الشي

ملاحظة: بلاش تعليقات مالهاش داعي انا بقول شو نفسي وشو بحلم واقعي مش واقعي مش شغلك انت يلي رح تكتب تعليق اهبل

هاد في وحدة بعرفها بدها تزوج ابنها ومشترطة (الام مش الشب حتى) انه العروس تكون موظفة ومثبتة بوظيفتها (مش عقد مؤقت)

مبدأيا هي عارفة انه ابنها مش زلمة قد حاله ف بدها تجيب انثى بشخصية زلمة عشان تصرف عالبيت بداله وهي تخلي ابنها بحضنها كل النهار

رسالتي للذكور الي مش قد حالهم ودلوعين لا تتزوج بكل بساطة الا الي بترضى فيك انك هيك وتصرف هي عليك وتربيك وتخدمك وروح قول لامك انا مش قد الموضوع وخليك تحت جناحها بلاش تبلو بنات الناس فيكم!

بحس انه شعور انه ما يكون عندك عيلة سواء اب او ام او اخت او اخ هو اكيد صعب يعني بس اخف من شعور انه يكون عندك اهل بس مش قريبين من بعض

ويمكن انا غلطانة يعني بالنهاية انا ما بعرف شو شعور الناس الي فاقدة اهلها اكيد

بس انا شايفة شعوري انا وانا عندي ام واب واخت واخ بس كأنهم مش موجودين اصلا

موجودين بس مش قادرة اوصللهم ولا مثلا بطريقة عاطفية ولا مثلا حتى اني اخد راحتي معهم لا بحس لازم انتبه عكلشي بعمله وبحكيه عدا عن مصايب تانية صارت وبتصير

يعني يمكن لو مكانش عندي عيلة اصلا ما يكون شعوري سئ لهالدرجة صح؟