انداري
الموضوع طويل وفي كثير تفاصيل ححاول اختصر قد مقدر
بالبداية دخلت مدرسة صناعية تخصص الكترونيات بالصدفة طبعا انا كان بدي بناء او تمديدات وبدي اطلع صنايعي مكانتش ببالي الجامعة بس فتت الكترونيات بالصدفة حبيت التخصص وعالتوجيهي صرت كثير شاطر فيه ودرست كثير وانا توجيهي وكنت مركز انه بس اجيب معدل وجبت ٩٥ كانت صدمة للكل طول عمري مش شاطر وكنت بدي اطلع صنايعي اصلا واهلي مش عاجبهم الموضوع اصلا كان طبعا طول وقتي بالصناعة كان بدي ادرس هندسة كهرباء المهم باواخر ايامي بالتوجيهي كان طالع ترند البرمجة وانه هي المصاري اللي بتيجي بالساهل طبعا الكلام مش صح عرفت بعد مدة كبيرة البرمجة بتجيب مصاري وشغلها ريموت اا بس ضبابية وكلو عحساب ركضك ورا الAI المهم وقتها فتت اول فصل كهرباء وكنت كثير متردد وكنت اتخذ قرارات غبية زي انه بدي اكون مبرمج بس بدي اكمل كهرباء مع انه خطة الكهرباء اغلبها قصص كهرومغناطيسية محولات وطاقة وانداري شو والكترونيات القدرة وهيك قصص ووقتها كان عقلي مبينلي انه يا ريت احول لهندسة حاسوب بعد تردد كثير حولت حاسوب بس الموضوع موقفش وبعد شوية بحث عرفت انه وين ما احول عالفاضي حضل انا انا فتت عالفصل الثاني مهلوك من التردد ومهمل وعندي اقتناع انه فش فايدة من الجامعة كلها وبدي اتعلم برمجة واشتغل قبل التخرج عشان اقنع اهلي انه لو كنت هامل بالجامعة عادي منا بشتغل وهيني وفاهم المواضيع غلط طبعا المحصلة ماكل خرا بكل المواد ولا انا صرت تقني ولا انا لقيت شغل ومادة البرمجة اللي محول عشانها هيني شبه حملتها محرج من اهلي الأوضاع الاقتصادية زبالة واهلي باليادوب بجيبوا القسط بنفعش اضل اسقط المشكلة بحس الموضوع مش حيروح لانه كل ما باجي ادرس بسال حالي شو فايدة اللي بسويه مهو نص البلد مهندسين حاسوب ومش داري نفسي بس اخلص جامعة عخير بطلت بدي اطلع قائد البرمجة بدي اخلص وبعدها بدبر حالي بشتغل لو بالباطون بس مش عارف يخوان اللي بدرس علم نفس مش مشكلة يجي يساعدني يسوي مشروع تخرجو علي🙂