تانية وتالتة ثانوي سببولي هاجس
دلوقتي آنا تانية ثانوي وللأسف الدفعة دي عايشة اسوأ أيامها في صمت ، أحنا الاسبوع اللي فات كنا بنمتحن امتحانات شهر علي كل المواد والاسبوع ده المواد برا المجموع والاسبوع الجاي حرفيا الفاينال ومفيش فواصل حرفياً عشان نراجع او حتي نريح جسديا ودي اولريدي حاجة مخلية الانسان الشديد اللي جوايا عايز يعيط لان غير اني مش هلحق اراجع كويس بحق الله وبالتالي مش هتأسس لتالتة ، نومي متشقلب ومبقيتش عارف اذاكر وخسرت عزيمتي بقيت عايز أعديها وخلاص ، الناس حواليا بتغش وخلاص وأنا رايح معتمد علي pure effort بتاعي والنزاهة
اثناء الفترة دي عطونا ورق الشعب علمي علوم ولا علمي رياضة واخترت علمي علوم ، آنا مش بحب الماث رغم اني كويس فيه وبزهق من حصصه اوي بس بحل كويس وبفتكس طرق حل ، بس مع ذلك انا صفر بايولوجي لحد دلوقتي الدفعة دي مخدتش بايو واول مرة هناخده في تالتة اساساً والناس بتقول انه تقيل ومليان حفظ ف خايف اكون اخترت غلط بالذات اني مش بتاع حفظ مع اني بعرف اذاكر كيمستري كويس ف لو هو البايو نفس مذاكرة الكيميا الدنيا فل ف ده أول تخوف عندي آصلا
جدول نومي الفترة دي بايظ تماما يعني باجي ف أوقات النوم بكون صاحي بس بتركيز قليل و أوقات الصحيان ببقي عاوز انام و بسبب ايام الامتحانات تقريبا نومي مش بيزيد في الليل عن ساعة ونص وباجي بعد الامتحان الضهر بنام ٣ ساعات بيبقي خلالهم اوفرثينكنج عن تالتة وازاي هذاكر ف تالتة طب هراجع ازاي المناهج العملاقة دي، وبصحي تعبان برضو وقرفان وعايز اقرب حبل مشنقة ، مش عارف اعمل ايه والله
فلو عندكم نصائح حطوها لعلها تساعد