انا تعلمت اساسيات السواقة هذه السنة (بنت عمري ٢٦) بس فيني رعب مو طبيعييي اطلع للشارع ولكن برضه اغصب نفسي اطلع..،
وانا مرة مصدومة من نفسي لأني كنت مرة متحمسة اتعلم واطلع لكن بس جربت اطلع للعالم الحقيقي صرت اكره اسوق واحس للحين مو قادرة اتخطى توتري بالذات لما اروح مشاوير مو حافظة طرقها فأقعد طول الطريق شايلة هم اضيع اللفة واحط قوقل ماب بأعلى صوت واراجع الطريق قبل واقعد بصمتي بالسيارة انا والخريطة ولما اضيع لفة عقلي الباطني يدري ان مافيها مشكلة عادي للي بعدها او اغير الطريق بس قلبييييي يظل يدق يدق والتوتر يزيد واحتر ومدري كيف اتخطى الموضوع والله قاعدة حالياً اغصب نفسي اكثر مشاويري لأني اكون هادية وانا اسوق (وسواقتي تعتبر كويسة اللهم لك الحمد) بس التوتر اللي بداخلييييييي فجاة يطلع ولازم حتى الشهادة اقولها مع الاذكار لما البس حزامي ما ادري وشفيييههههههه واحاول اونس نفسي بالطريق اقول خل اروح drive through بس فكرة ان فجأة ازيد وقت سواقتي تجيب لي الهم واكنسل واحاول اوصل لموقعي الاساسي💔💔💔💔💔💔💔
وش الحل تكفون هل فيه حل اتعالج ولا اكمل اسوق الين فجأة تفك العقدة وهل احد قد مر بذا الموضوع؟؟؟
والله اللي يشوف توتري بيحسب قد صارلي موقف او شي بس لااا حتى ابوي يحاول فيني اطلع واقول طيب واخرج معاه وبرضضصههه التوتر يجي ياربي ويحاول اخوي فيني ويقول والله سواقتك كويسة طنشي اللي حولك ولسع احس تقرفت اسوق بس لازم لمصلحتي 💔💔💔
^^ للمعلومية اتنقل بين الرياض وجدة فأسوق بالمدينتين.