u/Iraqi_insurgent

اني من الأشخاص الي منطقتي قريبة على البتاويين .. يوم من الايام صار عطل بدراجة صاحبي بخصوص السويچ مالته واني چنت اعرف واحد بالبتاويين يصلح سويچات ويسويهن.. فـ من رحت چانت هاي اول مرة ومن دخلت للدربونة لاحظت شعارات السواستيكا الموجودة بكثرة على جدران محله والجدران الي مقابيل محله .. ( ما عدا الي صورتهن ) اتضح لاحقًا انو صاحب المحل الي هو چان رجل خمسيني غالبًا لقبه ( ابو موسى ) فـ راودني الفضول بشدة وگلتله شنو سبب وجود هاي الشعارات بكثرة قريب محله .. هو ابتسم وضحك واتضح لاحقًا وتفاجئت الصراحة لان طلع هو شخصيًا راسمهن .. باوعت حول محله واكتشفت بوجودهن بكثرة وراسمهن تقريبًا بكل زاوية وبكل مكان .. مو بس هاي حتى الوصولات مالته وكلشي يخص شغله الي هو حرفيًا ( تصليح واستنساخ سويچات ) كلشي موجود عليه هذا الشعار .. سألته عن سبب رسمه وهنا ضل يشرحلي انو هو سبب رسمه للشعار مو بسبب انو هو قومي اشتراكي أو ( نازي ) وانو هو مجاي يرسمه لأسباب سياسية .. بالعكس هو وضحلي انو اصل هذا الرمز هو عراقي ويعود أصله للحضارات العراقية القديمة سواء الآشورية او الاكدية أو البابلية .. وگال انو الادعاءات الي تخص انو هذا الرمز يعود للحضارات الهندية والرموز السنسكريتية.. وأصر بشدة انو هذا الرمز عراقي وكل هذا الي سواه هو فقط محاولة لتذكير وتخليد تاريخ بلده وشعبه ،، الصراحة چان الحوار وية ابو موسى ممتع وبنظري شي كلش نادر انو تلگه هيچ اشخاص بالعراق .. it was a pleasure to meet him