الراجل ده بيتكلم في الفيديو ان ابنه اتضرب من مدير المدرسة علي وشه بالقلم قدام زمايله في الفصل وقال تفاصيل كتير ممكن تسمعها في الفيديو بس المشكلة هنا ان المدير بيكمل في البجاحة ومُصر انه يعاند مع الولد وابوه و بيهددهم في الطابور ان محدش هيقدر يعمله حاجه
وكمان فيه فيديو تاني لنفس الراجل بعدها وهو بيقول ان المدير خد ابنه في المكتب ومضاه علي ورقة هو مايعرفش هيا ايه وضربه وقاله امشي يلا
انا كنت ف المدرسة دي والمدير ده ليا مواقف معاه شبه الموقف ده بس ساعتها سكت لانه كان اخر ترم في المدرسة وماكنتش عايز اعمل مشاكل واعدي بسلام
انا فاكر مره في ولد قاله انت ماينفعش تضربني او حاجه شبه كده قام ساحله علي ارض المدرسة وضربه قدام زمايله وهانه جامد
وحتي المدرسين بيداروا علي الموضوع وبيطلوا للمدير جامد حتي لما الناس بتطلع تشتكيه بيطبلوله وكانه بيديهم فلوس
فهل انت شايف انه ده مدير سوي نفسيا او حتي انه يصلح للتربية والتعليم؟؟ خصوصا انه مش اول مره يعملها هو كده من زمان بس الطلبة بتكست والي بيتكلم بيسقطه
ده رابط البوست الي فيه الفيديو للي حابب يدخل يمنشن الوزارة او وزارة الداخلية او يعمل كومنت او شير : https://www.facebook.com/share/v/1BkUymDybJ