واقعه بمشكله مش عارفه كم اقدر حجمها. ساعدوني
انا عملت هاد الاكاونت لانه في ناس هون بتعرفني و ما حبيت خصوصيتي تطلع عالعلن.
كنت اعرف شب سنه و نص و طلع عنده مرض نفسي قريب للschizo و بلش على مضادات ذهان و مشي عليهم سنه
كنا مع بعض سنه و نص بعدين تركنا اول هاي السنه و ضلينا تاركين ٥ شهور لحد ما يوم تصادفت انا وياه و رجع يبعتلي باسلوب خفيف لطيف انه نطلع نشرب اشي بمكان او نتعشى و مش اشي بس هيك طلعه
بعد فتره من الاقناع و انا ضليت متنحه انه ما بدي وافقت بس خبرت صاحبتي تضل تستناني قريب لاني جد كنت مش مرتاحه و حاسه رح يصير اشي
بنص القعده انا وياه صحاب حتى لمى كنا مع بعض بغض النظر عن مشاكلنا و بنتفق بصحبتنا و هو انسان منيح بس للأسف مرضه هو بلاه و مشكلته
صورني كم صوره و صورته كم صوره ع اساس نلطف الجو لانه لهلا كان مبين انسان كليًا جديد و مختلف عن الشخص اللي بعرفه و بقمة اللطافه و انه جد حسيت احتلف كتير ف ارتحت شوي
اكلنا شوي بعدين بعتله صوره و حكيتله ابعتلي صوري
بعتله انا و ضل عامل حاله مش سامعني
رجعت حكيتله انه حبيت صوري عادي تبعتلي اياهم
راح بعتلي ٤ صور و هو جد مصورني اكتر من ٢٠ و كانو عاجبيني و مش باعتلي غير صور كتير بشعين و انا جد شفت الصور
صرت احكيله انه ول ابعتلي الصور اللي عجبوني
صار يحكيلي انا ما صورتك غير ٤ هي شوفي انتي عم بتتوهمي
بعد بدقيقه بحكيلي اه استني هي في كمان صوره مش شايفها مع انه فرجاني قبل شوي ٤ و هو مرجع وحده تانيه بشعه من الrecently deleted
انا هون حسيت اللقمه علقت بحلقي و خلص استوعبت بنفس الثانيه انه ما تغير ولا لحظه
حكيتله شطبتهم يعني ؟ شو الهدف من الحركه
صار يحلف و يحكيلي مش صح و انتي هدول اللي شفتيهم و انتي عم بتتوهمي و عم بتتخيلي
هون حكيتله طيب اسمع انا مش مرتاحه خليني اقوم اروح و بنحكي بعدين
صار يلحقني و حشرني بالزاويه بالمطعم و ما خلاني اتحرك و المشكله صحيح كان المحل فاضي بس الشباب اللي بشتغلو هناك ولا واحد قرب يساعدني لانه هو صحيح كان حاشرني بس الحقير كان قدام الكل بعتذر ع اساس انه "حبيبته زعلانه منه" انه اسف حبيبتي و انا بعتذر يا روحي و انا اشتقتلك و لو سمحتي ارجعي اقعدي و انا محشوره بالزاويه و متوجعه قد ما شاد ع ايدي و هربت منه عالحمام رنيت ع صاحبتي بس للأسف كان تيليفونها ما فيه شبكه ما ردت ف طلعت من الحمام ع اساس اهرب بره المكان منه معي كل اغراضي
لقيته عالباب و حطني عالحيط و هو يترجى و يحكيلي لا تروحي و انا عم بصرخ و مبينه موجوعه و مغصوبه عالوقفه و ما حدا من الحقرا اللي هناك ساعدني و المحل كتير مرتب جد و اخر اشي صرت اصرخ عالفاليه احكيله مشان الله هات مفتاح سيارتي و قيمه عني الحقير ما عمل اشي غير جابلي المفتاح هداك الحيوان ضل لاحقني لباب السياره و ما خلاني اسكر باب السياره من جهتي اللي بسوق منها و اخر اشي طلعت من السياره صرت اصرخ انه الحقوني جيبو الشرطه تحركو مشان اللي بعدوه عني و كنت منتحره بكا اخيرًا هو اتطلع في نظره و سكت و لف وجهه و راح بس شافني بصرخ بدي الشرطه
انا مش فارق عندي وجوده ولا اشي
انا فارق عندي الفضيحه قدام الناس كيف كنت عم بصرخ حرفيًا و ما حدا قرب علي ساعدني بس بنفس الوقت كانت الدنيا لسى فضى و كلهم شافوني و عرفو شكلي
تاني اشي فارق عندي انه هو شب كتير مرتب بس مريض و خايفه الموقف اللي انحط فيه بسبب النوبه اللي صابته بهديك اللحظه تأثر عليه و لا سمح اللي يموت حاله او يعمل اشي بحاله بسببي
انا فعلا من لمى كنا مع بعض ما تركته غير بس شفت انه استقر مع انه اكيد الحب كان طالع من قلبي من زمان بس ضليت جنبه طول فترة العلاج و لحد ما تحسن كتير مش شوي لقدرت اتركه و لهلا مستمر على دكتور و معالجه نفسيه و ادويه بس ما بعرف شو ممكن يطلع ب ايدي. كتير الموضىع كاسرلي قلبي على حالي شو صار فيها و عليه كيف انفضح و هو بنوبه بنص الشارع.