u/ImprovementVisual904

قبل شوي في شب عمره ٢٢ نزل عن انه بستنى يعطل عشان يروح المؤسسة العسكرية و مستمتع بالموضوع و هاد ذكرني بأشياء كثير عندي من اجواء الختيارة الي بمارسها و بستمتع فيها (عمري ١٨) ، بحب انام بدري و اصحى من الفجر من زمان بحب اعمل هيك من ايام الحجر ، بعشق البرامج الوثائقية نظيفة و بقدر الواحد يشوفها و هو باله مرتاح و مفيدة و تحفز التفكير و فطرة حب الاستكشاف و المعرفة بنقعد انا و بابا نحضر وثائقيات الحرب العالمية الثانية و وثائقيات الفراعنة و الاهرامات، من هواياتي المفضلة الكروشيه و التريكو بحب اعمل لفحات و مفارش للطاولة من مشاريعي المفضلة، ما جربت اللاتيه ولا ايس كوفي ولا الماتشا ولا السوشي و ما عندي فضول اجربهم (احترم تماما الناس الي بيحبوهم)****،بحب فيروز و عبد الحليم و بيتهوفن و شوبان و موسيقى كانت ترند قبل ٣٠٠ سنة، السلطات شيء رائع و لذيذ جداً،بحب** اروح مع بابا نشتري خضرة و فواكه و اغراض للبيت بكون بقمة سعادتي،بحب الزراعة كثير و نباتاتي قاعدة بتكبر و مكيفة عليهم كثير عندي صبار و بندورة و فلفل و دوار الشمس و اكليل الجبل و بامية ، الحلو المفضل كيك و بحب اخبزه كثير بحس حالي زي الجدات الي بأفلام الكرتون،بحب الانتيكات و المتاحف و التاريخ كثي**ر.🙂🙂🙂

لما كنت صغيرة كنت افكر الشجاعة زي ما بشوفها بأفلام الكرتون، بطل بيطير زي سوبر مان و بنقذ العالم و بنزل البسة عن الشجرة ، بس لما كبرت استوعبت انه الشجاعة مش انه الواحد ينقذ العالم، الشجاعة انو الواحد يخسر الناس الي بحبهم و دافعه بالحياة و مع ذلك بيضل مستمر حتى لو مش قادر بس مستمر لأنه مدرك انها حياة و بدها تمشي، لما كنت بالمدرسة كان عندي معلمة نوعاً** ما صغيرة بالعمر مش كبيرة و عندها ولد و بنت صغار يا دوب بالابتدائي و اترملت الله يرحم جوزها كنت افكر كيف بتمر حياتها**؟** كيف نفسيتها كيف قادرة تعيش**؟** كيف حال اولادها بعد ما صاروا ايتام**؟** بس كانت تيجي كل يوم و تضحك معنا و كأنه ما في اشي اكيد مليون بالمية هاد ما بخفي الوجع و الهم الي بقلبها بس كنت افكر كيف في انسان بكون قوي و متماسك لهاي الدرجة و بحاول يبين انه كل اشي طبيعي و بمشي بالحياة**؟** الشجاعة انه هلنا بغزة سنين بقاوموا و عزيمتهم اقوى من عزيمتنا بألف مرة و عندهم ايمان عظيم جداً بربنا** ، انه يكون حد زي عمر المختار رحمه الله ٢٠ سنة و هو بيقاوم بالاستمار**، لك ان تتخيل الفضل** و الصلابة الي ربنا اعطاه ياه!! عشرين سنة من المقاومة و ما زعزعته عن هدفه بالحرية**، انه يكون في شخصيات ثورية ثانية زي عز الدين القسام** و احمد ياسين و مارتن لوثر كينج و روزا باركس و تشي جيفارا الي عملوا المستحيل عشان يقاوموا العنصرية و التمييز و يحققوا الحرية و العدالة لأبناء عرقهم**. هاد بذكرني بعبارة حلوة كثير قرأتها براوية كورالاين انه الشَّجاعة لا تعني** أنك لست خائفاً. الشَّجاعة معناها أن تكون خائفاً**، خائفاً جدّاً، خائفاً للغاية، لكنك** تفعل** ال**صَّواب رغم ذلك.

في حد بيحب بيتهوفن و بيسمعله؟ او موسيقى كلاسيكية بشكل عام زي شوبان، تشايكوفسكي، موزارت ؟

شو اكثر فروع بالعلوم بتحبها و بتحسها بتشد كثير و قد ما تقرأ و تتعلم عنها ما بتمل ولا بتكتفي؟ اعطينا معلومة ادهشتك بهاد العِلم.

انا بحب كثير علم الفلك علم البلورات و المعادن علم الأعصاب علم المحيطات علم البيئة و المناخ علم الاحياء البحرية علم النفس علم النباتات ميكانيكا الكم التاريخ و علوم كثيرة ثانية مثيرة للاهتمام، انت ايش بتحب؟