u/Humble-Bit-852

اعيش حياة طبيعية موجودة بكل بيت نفس اي عايلة خالية من المثاليه، ما اشكي ولكن عندي ام متناقضه باراءها اعرف ان رغبتها شيء واللي ينطقه لسانها شيء لانها متبرمجه على احترام الطرف الاخر (ذكر)، بالنسبه لنا ممكن قرارات حياتنا تكون محكومه بموافقة ابوي بعضها يكون طبيعي بس ابوي من النوعية المتردده جدًا اي شيء جديد بالحياة يعتبره مخيف وغير مقبول تجربته!
وانا شخصيتي اللي ابيه ابيه مايهمني لاني مقتنعه كل قراراتي تجي بعد تفكير طويل
اغلب قراراتي تأيدها امي قدامي وعند ابوي تقمعها كانها تداريه

احيانًا احس اني معرضه للانفصام 🫠
والان اكبر طموحااتي اعيش لحالي لاني ما احس اني قادره على الزواج ولا قادره اكمل باقي عمري ببيتنا

العلاقات العائلية عندي قليلة واصلا عقيمه شوي اشبه باحزاب
والعلاقات الخارجية عندي صديقة فقط!
ورغم اني اداوم واختلط بالدوام كثير ألا اني اكيد ما اصنفها اي علاقات
وحاليًا بين فترة وفترة يجيني احباااااط لدرجة مالي خلق اكمل شغل الدوام لاني احتاج ناس واسولف واسولف واسولف لين تخلص سوالفي وارجع لطاقة الشغل 🥲

هل فيه مكان ولا برنامج الناس تسولف فيه مواضيع عامة تفرغ طاقة الكلام؟؟؟ 😔