u/Hot_Quality_9583

مشكلة الزواج التقليدي الوحيدة بالنسبة لي، هو إنه الأهل يتدخلون فيه واجد، وهم اللي يخربون من وجهة نظري عن قصد أو بدون:

١- الزواج التقليدي يبدأ من الأم/الأب، فمبدئيًا الطرفين مب قادرين يكونون صريحين برغباتهم، شفتوا لما أمك تجيب لك بنت أختها وتقول اقعدوا سوا؟ ايه، ماتقدرين إلا تحسين إنها جزء مصغر من أمك بالرغبات والمتطلبات فغصب تكتمين جزء من نفسك وشخصيتك ورغباتك عنها

٢- الأمهات هم اللي يبحثون مبدئيًا للرجل، وهذا سيئ…البحث يصير بمعايير نسائية لرجل، التركيبة النسائية والرجالية مختلفة المرأة تنظر للمرأة من جميع النواحي بطريقة مختلفة

أحب أمي وأبوي، ممكن أشاورهم بشخص يعجبني، بس مستحيل أخليهم يختارون عني 💐

٣- الأمهات يحسبون الشوفه الشرعية قائمة على زاوية الخصر ولمعة الشعر وقطر العين، فلذلك أي بنت ماتحقق هذي المعايير مرفوضة وبنظرها ولدها ماينفع يشوفها حتى، بينما الشوفه الشرعية هي شيء أعمق وأبعد من مجرد شكل، أنت إذا شفت شخص بتقدر تحس بأشياء كثيرة مرة أكثر من مجرد شكل عشان تقرر فيها هل هو شخص مناسب إنه يكون شريكك أو لا

٤- الأمهات يكذبون💐 والله يكذبون مرة، أم الولد تكذب عن ولدها، وأم البنت تكذب عن بنتها، يحسونها كذبات بيضاء بس هي لا أشياء كبيرة

وماقصد بالمظهر والصحة والمال وغيره، لا بس كذا أشياء يحسونها ماتفرق وهي تفرق مرة

٥- تحس إنك مراقب من جميع أطراف العائلة، وهالشيء يوترك

بالأخير الزواج توفيق، ما أظن كونه عن حب أو معرفة أو تقليدي بيحدد استمراريته من عدمها، بس هذي مشكلة التقليدي من وجهة نظري، ولا هو كفكرة مافيه شيء أبدًا لو الأهل يتركون المساحة لأبنائهم

جدي الله يرحمه كان أكثر شخص كول بالعالم، مواليد الأربعينات بس شخصيته مرة مميزة

ما تعلم اللغة الإنجليزية ومع ذلك سافر بريطانيا، ألمانيا، سويسرا، النرويج…

سافر كل الدول العربية، سافر لإيران

ركب طيارة كانت خطيرة مرة وسريعة، وعطوه جائزة على هالشيء

راح لألمانيا عشان يشتري مرسيدس، وكان فيها خط للسيارات اللي تمشي بسرعة عالية جرب السيارة فيه، بعدين رجع الرياض فيها

ما اشتغل تحت أحد أبدًا، كان عنده ورشة للسيارات ويدخل منها مبالغ عالية مرة

ومات بعمر الخمسين بسرطان المعدة

الله يرحمه، بس أشوفه عاش أحلى حياة ممكن الواحد يعيشها، جرب كل شيء وكان أب طيب مرة وكل الناس تمدحه، ولما مات كان موفر لأعمامي بيتين وسيارتين (عام 1990)

كنت أتمنى اشوفه، وكحفيدة جت بعد وفاته بتسع سنوات، أعتبره واحد من أكثر خمس أشخاص كول بهذا العالم

مثل البكا، حبيبتي تحتاجني تحت الظلام

ومثل الفرح، حبيبتي أحتاجها وسط الزحام

الحب علمها السكوت

والحب علمني الكلام

ممكن أحد يشرح لي هذا الجزء؟ اسمع الأغنية من سنوات ودايم أفكر وش المعنى! أنا عندي تفسير بس هالتفسير راجع لنظرتي للرجل والمرأة، فأبي أشوف لو فيه شرح واقعي لمقصد بدر بن عبدالمحسن الله يرحمه

أو حتى أشوف وجهة نظركم للمعنى