تعبت
صباح الخير و جمعة مباركة عالجميع.. ياهو والله خلاص انا تعبت و خلصت حلول الارض. مافي شي ما جربته من باب السعي.
جربت انخطب بالطريقة التقليدية و بعد الشوفة الشرعية اتواصلنا اسبوعين فجأة يوم حسيته متغير، قلتله ايشبك ايش في عندك مشكلة معايا؟ اتصل عليا قلي صراحه ايوا انتي مدلعة بزيادة و “too laid back”.
جربت جميع تطبيقات الزواج و للامانه حتى التطبيقات العادية زي تندر و muzz تسألوني ليش؟ لانه في كم وحده من معارفي نجح معاهم و اتعرفو على ازواجهم من هناك لكن انا كل الي يطلعولي فئة عجيبة غريبة جدا ومو جادين تعبوني يوم نسوي ماتش تاني يوم يرسلي "فينكككك قومي خلاص كفاية نوم 🥹🥹🥹" خير؟؟؟ بالنسبه لي خلاص كدا يصنف انه غير جدي.
كمان حاولت و نزلت بوست في ال sub دا و للامانه كل الي جوني عيال ناس و محترمين لكن مافي توافق ابدا و الوحيد الي عجبني اول يوم كان جدا متحمس و يتكلم و و و و تاني يوم اتغير اسلوبه و يتكلم بالقطارة خلاص بطلت ارد عليه لانه حنجلس نضيع وقت بعض.
يا جماعة والله اني حتى خطابة جربت والي جاني من عندها ما سألني ولا سؤال عن الزواج! لمن واجهته قلتله معليش هل انت جدي في الزواج؟ ولا حاب تتصاحب؟ قالي الا انا جاد عطيته فرصة يومين قلتله كلمني في مواضيع مهمة عن حياتنا المستقبلية عشان نشوف ازا في توافق بيننا برضه ما فتح ولا موضوع حتى سئلته ايش خطتك الزمنية قد ايش حاب نتكلم الين ما تجي تتقدم رسمي ما عرف يجاوبني يقول لو نحب بعض يكون افضل. اعتذرت منه و عملتله بلوك. يا ناس حتى صحباتي بصريح العبارة قلتلهم لو تعرفو احد مناسب رشحوني. في فرح صحبتي قلتلها مين الحاضرين و قوليلي لو في عيلة مناسبة قالتلي في ولد خالة زوجي مدري ايش قلتلها تمام اخر شي ما رجعت فتحت الموضوع معايا وانا خلاص استحيت افتح الموضوع تاني.
خلاص والله انا سعيت بما فيه الكفاية وخايفة على نفسي اني اسلك طريق غلط او حرام يا رب انت وحدك اعلم و اني كل يوم كلللللل يوم اجاهد نفسي و صابرة. اتوقع اني راح ارفع العلم الابيض 🏳️ و اشيل فكرة الارتباط من راسي تماما و اركز في شغلي و بس.
اسفه طولت عليكم احتاج افضفض.