يخوان أنت رجل غني ذو سلطة عالية
ولديك القدرة لتنفيذ مشروع واحد فقط ماذا ستختار؟
مشروع يوظف 10 آلاف رجل
أو
مشروع يوظف 100 ألف امرأة
جوابك رح يعبر عن تفكيرك وايدولوجيتك
انا جوابي بوظف 10 آلاف رجل ، لأنه الرجل من ناحية اجتماعية تاريخية دينية انخلق عشان يصرف على المرأة ويتعب ويفتح بيت
عكس البنت
هسا بنط واحد بقلك طيب في بنات وفي بنات سيبني من الحالات الشاذة أو بعض الحالات لأنه لكل قاعدة شواذ ، واحنا هون بنحكي عن قاعدة عامة شو رأيك صديقي المفكر
مرحباً بدايةً أنا اشخص مسلم ، لكن في موضوع بدي اطرحه واجهت فيه العديد من الاسئلة والاشكالات ، وحابب استفسر عن كم شغلة كوني ببحث
هسا كلنا بتعرف إنه موقف الأديان من العادة السرية موقف معارض كذلك من الأفلام الإباحية
بس سؤالي انتا كملحد أو ملحده شو المانع الأخلاقي عندك يلي ما بخليك تمارس هسا العادة السرية أو تشاهد فلم إباحي ؟
أو انتوا الملحدين شو موقفكم من هاي المسائل ؟
وحابب اذكر عدة امور لاحظتها ، انا إنسان وقعت بهاي العادة من زماااان حرفياً يعني يمكن أيام ما كنت طفل ولك أن تتخيل إنه من صف خامس ولا سادس او اقل تقريباً وانا بعملها بدون ما أعرف شو هي أصلا!
كنت اعملها بدون ما أعرف شو هي الاباحية ولا شو هو السكس ولا بعرف أصلا كيف الأهل بجيبوا ولاد على الحياة لك أن تتخيل كمية (الحلتيته) يلي كنت عايشها بحياتي
مع ذلك كنت اعملها كنت احس في شعور مخجل أو اشي غلط مخيف صعب تفهموا الشعور ، بعدها تطور الأمر صرت امسك تلفون واشوف مثلا بنات أو مقاطع يوتيوب بنت بتبوس شب مثلاً ، كنت بحس إنه الاشي مثير وبحركني وأروح اعملها حتى لدرجة مرة عملتها برمضان وعادي بكمل صيامي وما بغتسل لأني مش فاهم ، بس الاشي كان بعطيني شعور جميل وبنفس الوقت بدي ابطلها فاهين التناقض والعجب يلي عايشه بحياتي كنت
بس انا ما كنت عارف شو هي عايش بعالم آخر ، بس مع ذلك كنت بحكي لازم تتركها بعرفش ليش
المهم مرت الأيام وتراكمت المعرفة والعقل، وصار صفي عاشر طلعلي ريلز على الفيس بوك شخص بعمل نفس يلي انا بعمله وانا هون بحثت وصابتني صدمة معرفية
وحكيت الحمدلله يارب إنك نجيتني منها ورزقتني المعرفة بها
وبعدها تراكمت المعرفة وصرت شخص بقرأ كتب وببحث وبفكر كثير ومش اي اشي بقنعني ، وصرت احكي طيب هل الاشي يلي صرلي تراكم معرفي محض ، ام صار لحكمة وسبب ولا هاي فطرة سليمة كانت إني اشعر بشعور غلط ، ولا الشعور سببه إنه العضو الذكري كبرنا إنه منطقة حساسة وغلط وما حدا بحكي فيها !
إحنا كلنا بنكبر وبنحصل على أمر معين نتائج تراكمات معينة
لقيت فجأة قبل شوي مقطع لعثمان الخميس شخص قريب من حالتي سأله نفس سؤالي إنه بعمل العادة السرية لمدة سنتين وهو بعرفش شو هي ، رد عثمان بقله : حاشا لله أن يجعلك تفعل ذنب، الله يامرك ويجعلك تفعل فقط الخير والعمل الصالح ، واعطاك حرية اختيار ، والتقصير كان من أهلك لا دخل لله في هذا
هون انا واجهت عدة مشاكل في إجابته أول مشكلة إنه بالدين حلال تمارس العادة السرية اذا كنت تخشى إنك توقع بالزنا!!!
كيف يعني ؟؟ ... طيب وين حرية الإرادة وين إنه الله لا يجعلك تفعل معصية أو يجرك لها
طبعاً في منهم بقلك عادي الله بحطك بموقف معصية عشان يختبرك وعثمان الخميس الرد هداك تاعه بشجع على الإلحاد استغفر الله العظيم يارب ، ما علينا تكملة ..
وأيضا انا انسان تعب من خطابات بعض المشايخ حول هاي العادة خطابات مستهلكة ضعيفة تحتاج لتقوية ، يعني اسمع واسمعي بالله عليكم
شخص حافظ قرآن وبصلي ومش تارك اذكاره مع ذلك مدمن هاي العادة وبضل يوقع فيها ، شو رد بعض المشايخ ؟
إنه لازم تضل تدعي الله يخلصك من هذا الابتلاء!
ابتلاء ؟.. يلا ماشي برنلك، ليش الله يبتليني في معصية ؟
طيب بلاش ، بتعرف إنه في اشي اسمه شبق أو مرض معين هاد كيف بده تنفع معه الخطابات هاي
انا بفهم معيار الابتلاء، بس ابتلاء بمعصية الله ؟
كمان يعني جد الخطابات من بعض المشايخ تؤدي للالحاد انا فاهم الملحد والملحده لما يلحد من بعض الخطابات الركيكه ، وأيضا فاهم إنه الخطابات الركيكه مش شماعة للالحاد لأنه الشخص ممكن بده حجة بس وعنده هشاشة نفسية
ولكن يخوان الاشي بكون تراكمي انتا لما تكون ماكل خرا وضايع طبيعي تفكر في خيار الإلحاد لأنه إيمانك ضعف مع الوضع الزفت وخطابات الشيوخ الضعيفة حول هيك مسألة فيها كثير إشكالات
المهم بعرف كلامي مش مرتب وطولت بالكلام ، بس كلامي مفلتر ومن القلب وقاعد بكتب كل اشي فكرت فيه بهاي المسألة ، بحكي طبيعي بدون ترتيب كلام زي كأني إنسان وبنقلكم شعور إنساني نتناقش فيه بهدوء
وكمان نقطة ياريت يعني ياريت ، الشخص يلي عنده مراجع ومصادر علمية حول تاريخ العادة السرية والأفلام الإباحية ، وموقف الفلسفات الأخلاقية والملاحدة منها يتفضل يعطيني