u/Guilty_Increase_4969

قرأت بكتاب مشكلة الثقافة لمالك بن نبي انه الثقافة لا تقل أهمية عن المادة وانه المجتمعات الأوروبية ما نهضت الا بالثقافة وانه النهضة الحضارية لا تقوم الا بالثقافة … وكمان الأفكار ممكن انها تتوارث من جيل إلى جيل مثل المرض الصراحة الكاتب رد علي من ناحية انه الكتب والقراءة والثقافة ما بتطعمي خبز ورد علي من هاي الناحية فشو رأيكم أنتم؟

أعشق فيروز

يخوان نشف ريقي وانا بدور عليه جمعت دواوين شعراء المعلقات العشر ما عدا هو… نفسي فيه لقيته ب 10 و 8 دنانير غالي كثير وديوانه مع الشرح ما بتجاوز 150 صفحة وأغلى ديوان اشتريه ب 3.5 ديوان الأعشى الأكبر ميمون بن قيس والأعشى صاحب أكبر ديوان من الشعراء الجاهليين

بقرأ كتبي عشوائي يعني على مزاجي وهواي بس غيرت نوعية الكتب الي بقرأها يعني من أول السنة قرأت مجموعة قصصية لغسان كنفاني الباقي كتب سياسية او أدبية أو شعرية مثل ديوان الحارث بن الحلزة شرح المعلقات للزوزني والسحاب الأحمر لمصطفى صادق الرافعي ودراسة حول أعمال العباس بن الأحنف … فأنتم بتتبعوا خطة ولا لا؟

المرقشان الأكبر والأصغر أعمام طرفة بن العبد وورث طرفة الشعر منهما
المتلمس الضبعي خال طرفة وورث منه الشعر أيضًا
أوس بن حجر زوج أم زهير بن أبي سلمى وورّث الشعر له وزهير ورث الشعر لكعب وبجير رضي الله عنهم
المهلهل عدي بن ربيعة التغلبي ورث الشعر لامرئ القيس لكن امرئ القيس أفحل منه وأجود منه بالشعر
المهلهل عدي بن ربيعة ورث الشعر لابن بنته عمرو بن
كلثوم
المسيب بن علس خال الأعشى وورث الأعشى الشعر منه
والمثقب العبدي أورث الشعر لابن اخته الممزق العبدي

شعور غريب جداً لما أتذكر وقت ما كنت أرووح من المصنع من دوام ليلي وأزعل وأتضايق لما أشوف شباب درسوا معي رايحين عالجامعات وغريب التحول الي صار وقت ما دخلت الجامعة وقت ما الدكتور قال لي أنت عالم أو مشروع عالم وتحولت من عامل بمصنع لطالب بلقي مقالة كتبها عن الشنفرى شاعر جاهلي أمام قاعة فيها أكثر من 70 شخص والطلاب صفقوا لي وغريب لما دكتور انبسط وكيف لما أجيت أسأله وقال لي قبل فترة زمان ما شفتك وضلك طل علي أسألني بحب لما تيجي تسألني وغريب لما دكتور الجاهلي قبل ما أنزل عنده رحت أناقشه بالشعر الجاهلي وأنا سنة أولى فصل أول تفاجئ مني أوقات بصفن بالمرحلة الماضية والحالية من حياتي وبحكي الأمل موجود وما في اشي بكون عبث وحياتي والي صار معي تجسيد للفينيق … قوم وانهض وغير من واقعك واتعب ولو شوي لا تخلي شماعة فشلك الظروف والحياة والدولة والمكان الي انت فيه