u/Great_One_4926

عن نفسي اشوف المجتمع ككيان الة احقية بسيطة بالتحسين و التقبيح

يعني اشياء مثل طريقة الكلام و/او التصرف بمكان معين او مواضيع الكلام من حق المجتمع ان يحسنها او يقبحها

طبعاً الموضوع مجرد تحسين و تقبيح مو منع بدون الرجوع لتأثير الفعل المقصود علمياً و خاصتاً علم الاجتماع

و اشياء مثل الشكل او الدين و الاعتقاد او الميول الجنسي او اي نوع حرية فهي شي ما للمجتمع علاقة بتحسينها و تقبيحها

اذا متفق وياي فهل تشوف المجتمع الة الحق ان يقبح الحديث بمواضيع مثل الثقافة الجنسية مع فائدة هذا النوع من الحديث او النقاش

و اذا ما تتفق بطرحي عن التحسين و التقبيح المجتمعي اتمنى توضح نقطة اختلافك

اعذروني الموضوع ما الة علاقة بالصب بس هذا اكثر مجتمع ناسه فاهمة اعرفه (ما ادري اذا تفهمون بهذا الموضوع بالتحديد لان كلنا متوحدين😂😂)

كنت بعلاقة وية بنت حرفياً كانت الدنيا و ما بيها بالنسبة الي كانت كل ما املك سعادتي كلها كانت متعلقة بيها

قبل فترة صارت مشاكل بينها و بين اهلها بسببي و بعد ما سودوا عيشتها اجت و قالتلي ما نقدر نكمل بسبب الي جاي يصير، اكيد تدمرت نفسيتي بس بوقتها عرفت ان اذا اني فعلاً احبها فلازم اتفهم موقفها لمصلحتها

بوقتها حسيت احساس ما حاسه بحياتي (رغم مو اول علاقة ادخل بيها بس اول مرة احس بهيچ شعور) فقدت املي بكلشي غرقت بالكتب و بوقتها الحدت و بديت اشرب (لا تخافون مو ادمان لان لحد الآن ما مخلي نفسي اوصل لمرحلة السكر) علاقاتي الاجتماعية تأثرت باختصار صرت كانما مراهق اخذوا منه موبايله😔☝🏻
ادري شي غبي و ما المفروض يصير كل الي صار بس ما كان الموضوع بأيدي

المهم قبل فترة رجعنا نتواصل كاصدقاء ( ما رجعنا نلتقي مثل قبل) و قلت لنفسي عادي اني اتخطيتها، بس جاي اشوف نفسي أتأذى بكل مرة نحچي بيها و خاصتاً هي بدأت تستخدم وياي نفس الكلام الي كنت اسمعه منها من كنا مرتبطين بس بدون لا نرجع فعلاً

الكلمات ما تشرح شنو الشعور و القهر الي جاي احس كل مرة اطلع من المحادثة

ما اعرف شنو الي اسويه
هل اسالها اني شنو بالنسبة الها و احدد على حسب الجواب
او اقطع علاقتي بيها مباشرةً علمود ما ترجع لنفس المشاكل وية اهلها
او امشي وية الموضوع و اشوف وين نوصل
ما اعرف شنو الصح و حالياً اني تايه

لاحضت شي بالاديان و هو عمرها الطويل بشكل مو طبيعي رغم الآليات المعرفية الفاشلة الي يتبعوها

على سبيل المثال عندك الاسلام، بس تعريف التواتر عندهم و انه يفيد العلم اليقين (التعريف الابستيمولوجي الصحيح هو نقل جمع عن جمع تحيل العادة تواطؤهم على الكذب و منتهاه الحس) هذي النقطة كافية حتى تبين مدى ركاكة هذا الدين و الفكر و مع ذلك نشوف عمر الاسلام راح يوصل ١٥٠٠ سنة

حسب نضرتي الشخصية (و هذا الشي ما اقدر ادلل عليه بسبب عدم تعمقي بالموضوع) الاديان لا تختفي لكن تتطور مع الوقت

بس ليش نشوف المؤمن مستعد يقتل و ينكل بالبشر لأجل فكرته الركيكة

بهذا طرحي اني مركز على "علماء الامة" او على الاقل الناس الي قارية و تعرف عن دينها مو الناس المغيبة الي ما تعرف وين الله حاطها و ما يعرف عن دينه غير سورة الفاتحة

•ليش مستمرين بنفس الفكر و الاجرام و الجهل

•هل نگدر نستنبط ان التلقين فعلاً بهذي القوة الغاشمة لو اكو اسباب اخرى

*اني مو خبير و يا دوب اعرف كم مصطلح و تعريف فطرحي هذا هو للسؤال و فتح باب النقاش اذا تشوف نفسك فاهم بالموضوع او عندك رأي اكتبه و فيدنا و خلينا نتعلم من بعض