هو محترم؟
عندي أسئلة متعلقة بموضوع ما، معلش هطول في السرد، (أتمنى البنات يشاركن في الإجابة)
كنت بحب واحد اتعرفت عليه من النت أكبر مني ب ٣ سنين، لطيف مؤدب شطور عسول وحنين ومهتم جدا وحتى فيزيكالي جذاب، متعاملتش معاه على الواقع، ولا أعرف شخصيته بعيد عن تعامله معايا واللي حسيت إنه معايا بس، يعني ممكن دا مش هو الحقيقي!
أيا كان، اكتشفت إنه في بعض المساحات الخارجة عني كلامه غير مهذب، مرة بعتلي ستيكر بالغلط كان فيه لفظ سيء وعملت نفسي مخدتش بالي وهو مسحه بسرعة، ودلائل أخرى كتير..
دا فعلا شخص كويس؟ مش قابلة فكرة إني أحب حد غير مهذب معايا أو مع غيري
تاني نقطة، علاقتنا كانت محترمة وأنا كنت عامل مهم في الحفاظ على الحدود دي، جت فترة وأنا بقيت أتساهل واحدة واحدة، التعبير عن رغبتنا في بعض بقا شيء غير مُستنكر، وإرسال ريلز وصور لكابلز كل فترة عادي، وممكن مكالماتنا يحصل فيها شيء من التجاوز زي الأصوات بس، لكن موصلتش أبدا لإني أبعت صور ليا سيئة بأي شكل، المهم هو كان بيكلم بنات قبلي، قالي مرة إن واحدة منهم قفلت معاه عشان الحرمانية، وأخرياات كانوا بيُثاروا منه (شكله/صوته) وكل الحاجات اللي كنت بحسها تجاهه
زعلت على نفسي، يمكن شايفني زي البنات دي ومش زي البنت المحترمة، ندمانة أوي على اللي عملته في نفسي، بس بحبه فعلا للأسباب المذكورة فوق، ولما حسيت إن دي مش حقيقته أعدت النظر في مشاعري له ولسه مش عارفة
١-هو فعلا ممكن يشوفني مش محترمة أو يحطني مع ال كاتجوري دي؟
٢-هل هو شخص كويس/محترم عشان معايا كدا؟