في بيتنا عامر
بكتب لكم قصتي بالمختصر، انا وصلت بالعمر بدون زواج او صديقات او اهل وبديت اشك في الاسباب لازم ارجع للوراء
صاحب البيت القديم كان يقول ان في البيت جني (عامر) يعيش معهم لكن وقت امي وابوي كانوا يفكروا بالبيت العقاري ما قالهم وخلاهم يوقعون العقد ع عمى.
سكن ابوي و عمي بالبيت لكن ما طول عمي عطول نقل من البيت،
وكل من يقعد عندنا يقول بيتكم مسكون شغلوا قران وبالفعل امي تشغل قران دايم بالبيت.
وعلى الرغم اني الاصغر بين اخواني الا محد انولد في هذا البيت الا انا فكنت من يوم وانا صغيرة وانا اشوف و اسمع واحس وفقط اقدر اشوفهم من خلال المنام، من بد اخواني انا الوحيدة الي تقدر تسمع وتحس اختي بس تحلم.
وانا صغيرة كنت احب إلعب بالبانيو اعبيه مويه والعب كان يسموني سمكه من كثر حبي بالمسبح، مره حسيت بالجلد يلمس رقبتي من ورا وانا صغيرة التفت اشوف ما لقيت احد، احيانا اقوم من النوم وفيه احد يمسح شعري و من كثر الخوف ما اقدر الف اشوف من قاعد يمسح ع شعري لين قريت اية الكرسي ووقف وعلى طول ناظرت وراي بس ما فيه احد موجود.
مره جيت بدخل غرفتي واسمع احد يغني بوسطها يوم دخلتها وقفت تغني كان صوت بنت.
و انا شخص يحافظ ع قراءه الورد بالصباح لكن أنسى بالليل، ف حلمت اني تزوجت احد منهم واذكر الحلم بالتفاصيل، لدرجة اذكر بناته وايش كانوا لابسين.
من وقتها وانا ما اقدر اتزوج او اخطب الا وما تتم، حتى في علاقات بالصديقات ما عندي و اهلي شبه معدومه، وعشان ما ادخل ما اطولها يكون كل شيء طبيعي بالعلاقه بعدين فجاءه تنقطع من اتفه سبب. صرت اتمنى يكون لي صديقات او اكمل حياتي مع احد لكن عارفه ماراح تستمر.
ومن كثر الاشياء الي صارت معي صرت احس انهم سبب، مع اني سمعت ما يأذون الا اذا احد اذىهم.