باغي نفرغ وش كاين في قلبي منقدرش نهدر السوجي هذا مع واحد يعرفني راح يحسبني مهبول ولا ميقدرش يستوعب وش راني نهدر يحسبني ملحد والعياذو بالله.
عمري 23 سنة نحب نريح وحدي برك منخدم لا بالفيسبوك ولا انساغرام ولا تيك توك ولا اي موقع وحدوخر منهدر مع حتى واحد حرفيا اغلب وقتي وحدي نتفرج مسلسلات ولا افلام ولا بودكاست على الذكاء الاصطناعي ولا السياسة هذا هو العالم تاعي
الحاجا لي خلاتني نبعد على الناس هي نترجم كل شئ في الدنيا للبيولوجيا مثلا نشوف لي نخدم معاهم ولا عباد نعرفهم كامل اونكوبل ويهدرو على الحب ولبنات وووو..انا الحب بصفة عامة نشوفو حشوة في عقل الانسان الهدف تع الحشوة هو تجيب ولاد باش الانسان مينقرضش حنا والحيوانات نفس الالية بالضبط .
ساعات نشوف طفلة تشوف فيا نفهم بلي عجبتها والله يحكمني شعور تأنيب الضمير تغيضني الطفلة نقول في روحي ملقاتش وحدوخر من غير انا.
.
الحاجا الثانية هي كاين 8 ملاير بنادم كل واحد عندو العالم خاص بيه كل واحد كيفاش يفكر كل واحد والمعانات تاعو كي نمشي في الشارع ولا نركب في البيس نحس روحي صورة خلفية حرفيا واحد ميعرفك واحد ميديها فيك
الوعي والعمق ومعنى نتع الحياة في حد ذاتها كلما تتعمق في التفكير تحس روحك تحرر في روحك الحقيقة هي الطبيعة والبيولوجية في حد ذاتها تحتاج لبشر يحسو بالاغتراب والعدمية باش تضمن توازن تاعها يعني تحس روحك خرجت من اللعبة بصح العكس راك تلعب في دور وحدوخر برك
راني كرهت من لكتيبة خفت اذا معرفتش نوصل الافكار تاعي اصلا راني مجهول الهوية لي يفكر بخوارزميات بيولوجية كيما انا يقول باش منحسش روحي مهبول 😂