وربي هبل ارسلت للمدير كلامه بس مدري اذا بيتفق معه على موضوع العمولة لانه مارد بس قال تواصلي مع العميل يجينا برجع اكلمه بكرا و اقوله صحصح وش الي يتشرط ما اخذ عموله و انا بكلمه يجي !
يقول ان مو قاعدين نوصل للتارقت طيب عطينا خطه حقيقيه
خطته اننا نتواصل خلال المكالمات فقط اكيد المكالمات ما بتحقق لك شي بعد قال بنشوف الجوب دسكربشن حقكم ترا و لازم تقرونه و تشوفونه و مسوي نفسه انه عادي اذا عندكم اقتراحات يا عم كل حْرا كفاية الراتب مو منزلينه بوقته
هذي وحده توها بادية معنا الشغل و المفروض انا اشرف عليها و اعلمها و توها مباشرة الاربعاء الي فات بس انها نهاية كل يوم تقعد تقارن شغلي بشغلها و هي ايش خلصت و انا ايش خلصت
طيب انا هنا قبلك اكيد انجازي غير ولا طلعت قرار من كيفها انها بتبدأ شغل من ١٠ بعد السوالف فهمت ان شغلها الي قبل كانو يسحبون منها الجوال هي و الي معها عشان يشتغلون!! ٦ سنين و هي متعوده كذا فالحين اختلفت عليها البيئة وانا مابي اقعد كل شوي اقولها اشتغلي و سوي و تبدأ تحفر لي لانها خبيثة ان سمعت صوت احد جاي سوت نفسها تشتغل بالجهاز
خصوصا اني طلبت منهم نحوله عن بعد عالاقل ذي الفترة لين يرتبون وضعهم و لكن رفضو
مافي مكان ارتاح فيه و الاشياء تخرب ولا تتصلح الجهاز خربان من الاحد وصارت عملية سير الشغل اصعب برضو متجاهلين الموضوع و كل ما تكلمت بشي بكل لطف قالو ماعليه اصبري علينا
ايش الحل معهم يعني لي اسبوعين ما اسمع الا ابشري بالمكان و اليوم صادف ان عندهم اجتماع وقت الصلاة و يبوني اصلي بالمكتب عادي و زعلانين اني ابي اتحجج و بس طيب هو حقي اصلا!!! هذا و انا لسا ما عطيتهم فكرة يحولوني عن بعد لين يجهزون المكان
كيف تعرف انها نصبة؟ راسلين مقطع باليوتيوب يعرف عنهم مدته ٥٠ دقيقه و مقفلين تعليقاته و الرد على كلمة نصابين جاهز و مرتب