u/Future_Special_9825

Li verification de etá es un cose quel li politicos proba in mult landes. It sembla que on per ti verification vole eliminar li risc que infantes es atthahet a divers species de crimine. In su entusiasme pri li verification on oblivia que anonymitá posse esser bon in li casu que on vive in un land con un ne tro benevolent guvernament. Jurnalistes besona anc anonymitá pro posser protectar sui fontes.

In li Europan Union it existe mult entusiastes qui favora omni species de survigilantie, e il sembla que li majoritá del politicos ne comprende li riscos de un general survigilantie. It suffice que on survígila li suspectet persones ma ne omnis li tot témpor!

Pro li rason que yo ne es content con li nómine quel Reddit me ha dat, yo volet changear it, ma to es tant difficil, que yo pensa que it es plu bon que yo retene le conto e accepta li stupidi nómine e ne proba far un plu bon usator-nómine. On ne posse haver omni coses in ti nor munde 😞